Jesús Glaría

Frå Wikipedia – det frie oppslagsverket
Hopp til navigering Hopp til søk
Jesús Glaría
Statsborgarskap Spania
Fødd 2. januar 1942
Villafranca
Død

19. september 1978
l'Espluga de Francolí

Idrett fotball
Yrke fotballspelar

Jesús Glaría Jordán (2. januar 194219. september 1978) var ein spansk fotballspelar som vann tre pokalar med Atlético Madrid i tida 1962-66, perioden 1968-75 spelte han for RCD Espanyol.

Klubbspel[endre | endre wikiteksten]

Midtbanespelaren Glaría fekk kontrakt med Atlético Madrid i 1960. To år seinare var han med å vinne finalen i cupvinnarcupen 1962, då italienske Fiorentina måtte tole 0-3 tap i finaleomkampen på Neckarstadion i Stuttgart. Også året etter tok Madrid-laget seg til finalen i same turneringa, då vart det tap 1-5 mot Tottenham Hotspur frå London. I 1965 var han på plass då Atlético Madrid slo Real Zaragoza 1-0 i den spanske cupfinalen. Saman med spelarar som angriparen Luis Aragones og forsvarsspelarane Ignacio Calleja og Feliciano Rivilla danna han ryggrada i det mannskapet som i 1966 syrgde for at Atlético Madrid vann den spanske toppserien for fyrste gong på 15 år. I 1968 vart han overført til Espanyol, eit lag han tente til han la opp i 1975.

Landslagsspel[endre | endre wikiteksten]

Glaría spelte 20 landskampar åra 1962-63, 1965-67 og 1969. Under VM i fotball 1966 var han med i den siste av kampane i gruppespelet, og Spania var ute or meisterskapen Han var lagkaptein i ein kamp hausten 1966 og dei tre siste han spelte i 1969. Ingen mål.

Merittar[endre | endre wikiteksten]

  • Vinnar av cupvinnarcupen: 1962 med Atlético Madrid
  • Spansk seriemeister: 1966 med Atlético Madrid
  • Spansk cupmeister: 1965 med Atlético Madrid

Glaría omkom i ei bilulukke.

Kjelder[endre | endre wikiteksten]