Kiryat Ekron

Kiryat Ekron
lokal kommune
Land	Israel
Distrikt	Sentral
Koordinatar	31°51′39.48″N 34°49′23″E
Areal	2,313 km²
Folketal	10 100 (2009)
Folketettleik	4 367 / km²
Grunnlagd	1948
Kiryat Ekron 31°51′40″ N 34°49′23″ E
Wikimedia Commons: Kiryat Ekron

Kiryat Ekron eller Qiryath Eqron er ein by på kystsletta i det sentrale Israel. Kiryat Ekron er kalla opp etter den bibelske byen Ekron, ein stor filistarby som ein gong eksisterte nær Tel Mikne.

Kiryat Ekron vart grunnlagd i 1948, som Kfar Ekron. Etter krigen slo nye immigrantar frå Jemen og Bulgaria seg ned i dei gjenverande husa. I november 1948 vart det grunnlagd to ma'abaraar på området til landsbyen, Aqir ma'abara og Givat Brenner ma'abara. I 1953 vart Aqir ma'abara offisielt ein del av Kfar Ekron, Givat Brenner ma'abara i 1955. Frå 1954 til 1963 høyrte Kfar Ekron til Givat Brenner regionale kommune. I 1963 vart namnet på byen endra til Kiryat Ekron og han vart ein sjølvstendig lokal kommune.

I følgje Israelsk statistisk sentralbyrå var folketalet i Kiryat Ekron 9 800 i 2004.

Kiryat Ekron ligg like sør for byen Rehovot langs hovudveg 411. Det største handelssenteret i Israel, Bilu Centre, ligg i Kiryat Ekron. Senteret vart bygd ut seint i 1990-åra på landområde som tidlegare var jordbruksland, særleg sitruslundar. Ein prøvde å slå Kiryat Ekron saman med Rehovot i 2003, men innbyggjarane protesterte og han vart verande sjølvstendig.

Venskapsbyar

Kiryat Ekron er venskapsby med:

• Bussy-Saint-Georges i Frankrike
• Akron i Ohio i USA

Kjelder

• Denne artikkelen bygger på «Kiryat Ekron» frå Wikipedia på engelsk, den 6. juli 2015.
  • Wikipedia på engelsk oppgav desse kjeldene:

Bakgrunnsstoff

• «Planning map of Ganei Hadar/Aqir». Henta 27. juni 2010.