Kystpartiet

Kystpartiet
Ideologi	Sentrumsnær konservatisme
Oppretta	1999
Farge	Grøn og svart
Partileiar	Roy Waage
Ordførarar	3
Kommunestyre- representantar	47
Fylkestings- representantar	3 (2007)
Stortings- representantar	0
Nettstad	www.kystpartiet.no

Kystpartiet er eit verdikonservativt sentrumsparti. Partiet vart formelt skipa den 1. februar 1999 under leiing av Steinar Bastesen. Han hadde då, sidan stortingsvalet i 1997 sete på Stortinget for Tverrpolitisk Folkevalgte, som var ein laust organisert forgjengar for Kystpartiet. Bastesen vart attvald i 2001, men partiet fekk ikkje inn nokon stortingsrepresentantar i 2005. Roy Waage følgde Steinar Bastesen som partileiar etter sterk kritikk innad i partiet.

Kystpartiet vart tufta på grunnlag av misnøye med måten Stortinget handlar med EU på.

Kystpartiet mista ordføraren (Thor Tøllefsen) i Karlsøy ved valet i 2007. . Tøllefsen var òg partiet sin førstekandidat under stortingsvalet 2005. Paul Rånes var frå 2003 til 2007 ordførar for KP i Røst og Roy Waage er ordførar i Skjervøy, etter at han og kommunestyregruppa melde overgang frå Kristeleg Folkeparti, og vann valet i 2007.

Stortingsvalshistorikk

Årstal	Prosent av stemmene
2001	1,7%
2005	0,8%

Kystpartiet har hovudvekta av støtta si i Nordland og Troms. Ved stortingsvalet 2001 fekk partiet 14 042 stemmer, eller 10,9 %, i Nordland, noko som innebar eitt mandat på tinget. 8 124 stemmer, eller 10,0 % i Troms same året var akkurat for lite. Ved stortingsvalet 2005 gjekk partiet kraftig tilbake i Nordland og fekk berre 4 155 stemmer, eller 3,1 %. Partiet mista derfor mandatet sitt. Sjølv om tilbakegangen var mindre i Troms, 7 218 stemmer, eller 8,6%, haldt det heller ikkje denne gongen til mandat frå fylket.

Partiet i kommunar og fylkesting

Ved fylkestingsvalet 2007 fekk partiet 2,0 % av røystene i Nordland, 3,5 % i Troms - om lag 0,4 % på riksplan.

Denne samfunnsartikkelen er ei spire. Du kan hjelpe Nynorsk Wikipedia gjennom å utvide han.

Politiske parti i Noreg
Tala i parentes er prosentvis oppslutnad ved Stortingsvalet 2017. Partia som ikkje har prosenttal deltok anten ikkje ved siste valet eller hadde mindre enn 0,1% oppslutnad.
På Stortinget	Arbeidarpartiet (27,4) Høgre (25,0) Framstegspartiet (15,2) Senterpartiet (10,3) Sosialistisk Venstreparti (6,0) Venstre (4,4) Kristeleg Folkeparti (4,2) Miljøpartiet Dei Grøne (3,2) Raudt (2,4)
Ikkje på Stortinget	Pensjonistpartiet (0,4) Helsepartiet (0,4) Partiet Dei Kristne (0,3) Liberalistane (0,2) Demokratane (0,1) Piratpartiet (0,1) Alliansen (0,1) Kystpartiet (0,1) Feministisk initiativ Norges Kommunistiske Parti Verdipartiet Samfunnspartiet Folkeaksjonen nei til meir bompengar … fleire