Pensjonistpartiet
| Pensjonistpartiet | |
| Ideologi | Verdikonservatisme |
|---|---|
| Oppretta | 1985 |
| Farge | Mørkblå Lysblå |
| Partileiar | Kurt Johnny Hæggernes (2023) |
| Nettstad | www.pensjonistpartiet.no |
Pensjonistpartiet vart danna i 1985 som ein protest mot at saker som var viktige for pensjonistar og eldre ikkje var dominerande nok i samfunnsdebatten og at det var for få eldre i avgjerande politiske stillingar.
Partiet byggjer på eit kristent grunnlag og fokuserer sterkt på å betre livssituasjonen til eldre og andre svake grupper i samfunnet.
Partiet har per mars 2023, 14 fylkeslag og 52 lokallag spreidde omkring i landet.[1] Pensjonistpartiets Ungdom starta i 2009, med eit lokallag i Vest-Agder.[2]
Pensjonistpartiet var det første norske politiske partiet som sende politisk reklame på fjernsyn, sjølv om dette er ulovleg i Noreg.[3]
Representantar frå pensjonistpartiet har aldri blitt valde inn til Stortinget, men dåverande stortingsrepresentant Arne Haukvik melde overgang til Pensjonistpartiet då han ikkje blei renominert for Senterpartiet i 1997.
Referansar[endre | endre wikiteksten]
- ↑ Lokallag – Relationship Coach (på norsk bokmål), henta 17. mars 2023
- ↑ NRK Sørlandet:Han er pensjonistungdom
- ↑ «TV Vest sender politisk reklame» av Hilde Charlotte Solheim, Kampanje 12. august 2003
