Wyoming

Frå Wikipedia – det frie oppslagsverket
Hopp til navigering Hopp til søk
Wyoming
delstat
flagg
våpen
Land Flag of the United States.svg USA
Del av det kontinentale USA
Hovudstad Cheyenne
Areal 253 336 km²
 - land 251 489 km²
 - vatn 1 847 km²
Folketal 579 315 (2017)
Folketettleik 2 / km²
Guvernør Mark Gordon (R)
Før innlemming Territoriet Wyoming
Innlemma i USA 10. juli 1890
Statsnummer 44.
Forkorting WY

Wyoming
43°0′ N 107°30′ W
Wyoming in United States.svg
Wikimedia Commons: Wyoming
Nettstad: wyoming.gov

Wyoming er ein delstat i det vestlege USA. Han grensar til Colorado, Idaho, Montana, Nebraska, Sør-Dakota og Utah. Wyoming er den 10. største delstaten i USA i utstrekking, men den minst folkesette og den andre minst folketette. I 2007 hadde delstaten 522 830 innbyggjarar. Delstatshovudstaden og den største byen i Wyoming er Cheyenne. Wyoming blei innlemma i USA i 1890.

Geografi[endre | endre wikiteksten]

Wyoming er eit nært rektangelforma område med grenser langs breiddegraden 41°N og 45°N og langs lengdegradene 104°3'W og 111°3'W. To tredelar av staten er dekt av fjell- og åsområde ved føtene av Rocky Mountains. Resten tilhøyrer eit høgt steppeområde kalla High Plains.

Landskap i Wyoming med utsyn over Hole-in-the-Wall i Big Horn Mountains. Staden blei brukt som tilfluktsstad for fredlause som Butch Cassidy og Sundance Kid.

Historie[endre | endre wikiteksten]

Den noverande delstaten Wyoming husa fleire amerikanske urfolksgrupper, mellom anna crow-, arapaho, lakota, shoshone- og utefolk. Innvandringa av nybyggjarar frå midten av 1850-talet skapte konfliktar og førte til fleire slag og trefningar, mellom anna Black Hills-krigen i 1876-77. Det var også konfliktar mellom eigarar av storfeflokkar og småbønder som kulminerte i Johnson County-krigen i 1892. Denne krigen, og lokale forbrytarar som Butch Cassidy og Sundance Kid, bidrog til å skapa mytene om Ville Vesten.

Under kolonitida var Wyoming eit grenseområde delt mellom Spansk Amerika, Britisk Nord-Amerika og det franske Louisianaterritoriet. 25. juli 1868 blei Wyomingterritoriet laga av Kongressen. I 1869 vart Wyoming den fyrste amerikanske staten som gav kvinner allminneleg stemmerett. Dette var delvis eit forsøk på å skaffe seg nok stemmeberettiga til å bli innlemma som eigen stat i USA. Wyoming vart innlemma som eigen stat 10. juli 1890, som den 44. delstaten i USA. Seinare fekk Wyoming også den første kvinnelege delstatsguvernøren i landet, Nellie Tayloe Ross.

Bakgrunnsstoff[endre | endre wikiteksten]

Kjelder[endre | endre wikiteksten]