Desperado av Eagles

Desperado Studioalbum av Eagles
Språk	engelsk
Utgjeve	17. april 1973
Innspelt	1973 i Island Studios, London, England
Sjanger	Rock, countryrock, folkrock
Lengd	35:40
Selskap	Asylum
Produsent	Glyn Johns
Eagles-kronologi
Eagles (1972)	Desperado	On the Border (1974)
Singlar frå Desperado
«Tequila Sunrise» Utgjeve: 17. april 1973 «Outlaw Man» Utgjeve: 6. august 1973

Meldingar
Karakter
Kjelde	Karakter
AllMusic
Robert Christgau	C
Rolling Stone

Desperado er det andre studioalbumet til det amerikanske bandet Eagles. Det vart spelt inn i Island Studios i London i Storbritannia og gjeve ut i 1973. Desperado er eit konseptalbum basert på tema frå Det ville vesten. Opphavleg arbeidde Don Henley, Glenn Frey, Jackson Browne, og J.D. Souther på ei rekkje songar om anti-heltar, men hadde ikkje fleire idear etter at dei hadde skrive «Doolin' Dalton» og «James Dean». Sistnemnde vart lagt på hylla og dei byrja i staden å skrive songar med temaet dei kom opp med i «Doolin' Dalton».

Bandmedlemmane er avbilda på plateomslaget kledd som ein lovlaus gjeng. Desperado er det einaste Eagles-albumet der medlemmane i bandet er på framsida.

Sjølv om tittelsporet er ein av signaturlåtane til Eagles, vart han aldri gjeven ut på singel. Songen «Desperado» vart rangert på 494. plassen på lista til Rolling Stone frå 2004 over dei 500 beste songane gjennom tidene, men var falle ut av denne lista på den oppdaterte lista som kom i 2010. Albumet inneheldt to andre singlar: «Tequila Sunrise» og «Outlaw Man». Desse to nådde høvesvis 64. plassen og 59. plassen på singellista i USA. Sjølve albumet nådde 41. plassen på albumlista i USA og selde to millionar eksemplar.

Desperado var det siste albumet til Asylum Records som vart distribuert i Nord-Amerika av Atlantic Records, før Asylum i midten av 1973 vart slått saman med Elektra Records.

Mottaking

AllMusic-skribenten William Ruhlmann hylla det at Henley var meir involvert på dette enn det førre albumet og skreiv at «det var både meir ambisiøst og seriøst enn føregangaren, men samstundes noko lettare og mindre konsistent.»

Innhald

Side ein

Nr.	Tittel	Låtskrivar(ar)	Solovokalist	Lengd
1.	«Doolin-Dalton»	Glenn Frey, J.D. Souther, Don Henley, Jackson Browne	Don Henley, Glenn Frey	3:26
2.	«Twenty-One»	Bernie Leadon	Bernie Leadon	2:11
3.	«Out of Control»	Henley, Frey, Tom Nixon	Glenn Frey	3:04
4.	«Tequila Sunrise»	Henley, Frey	Glenn Frey	2:52
5.	«Desperado»	Henley, Frey	Don Henley	3:36

Side to

Nr.	Tittel	Låtskrivar(ar)	Solovokalist	Lengd
6.	«Certain Kind of Fool»	Randy Meisner, Henley, Frey	Randy Meisner	3:02
7.	«Doolin-Dalton (Instrumental)»	Frey, Souther, Henley, Browne		0:48
8.	«Outlaw Man»	David Blue	Glenn Frey	3:34
9.	«Saturday Night»	Meisner, Henley, Frey, Leadon	Don Henley, Randy Meisner	3:20
10.	«Bitter Creek»	Leadon	Bernie Leadon	5:00
11.	«Doolin-Dalton / Desperado (Reprise)»	Frey, Souther, Henley, Browne	Don Henley	4:50

Medverkande

• Glenn Frey – gitars, piano, elektrisk piano, munnspel, vokal
• Don Henley – trommer, akustisk gitar, vokal
• Bernie Leadon – gitarar, mandolin, banjo, dobro, vokal
• Randy Meisner – bassgitar, vokal

Produksjon

• Glyn Johns – produsent, lydteknikar
• Howard Kilgour – assisterande lydteknikar
• Barry Diament – mastering
• Ted Jensen – remastering
• Jim Ed Norman – strykearrangement
• Gary Burden – design
• Henry Diltz – fotografi

Lister

Album

Liste (1973)	Plassering
US Billboard 200	41
Canada RPM 100 Album	35
UK (The Official Charts Company)	39
New Zealand (Top 50 Album)	40

Singlar

• «Tequila Sunrise»/«Twenty-One» - utgjeve 17. april 1973
• «Outlaw Man»/«Certain Kind of Fool» - utgjeve 6. august 1973

År	Single	Liste	Plassering
1973	«Outlaw Man»	Billboard Pop Singles	59
1973	«Tequila Sunrise»	Billboard Pop Singles	64

Kjelder

• Denne artikkelen bygger på «Desperado (Eagles album)» frå Wikipedia på engelsk, den 17. august 2015.
  • Wikipedia på engelsk oppgav desse kjeldene: