Fjellvåk

Fjellvåk
Namn på andre språk
Svensk	Fjällvråk
Dansk	Fjeldvåge
Engelsk	Rough-legged Buzzard
Tysk	Raufußbussard
Fransk	Buse pattue
Spansk	Ratonero calzado
Russisk	Mokhnonogij kanjuk (Мохноногий канюк)

Fjellvåk (Buteo lagopus) er ein mellomstor rovfugl av haukefamilien mellom 49 og 59 cm lang og med eit vengjespenn som kan variere mellom 123 og 140 cm. Arten var rekna som nær truga på norsk raudliste 2006, men ikkje truga i 2010.

Kjenneteikn

Han kjennast lett i flukt med ei lys underside og mørke knokkelflekkar. Fuglearten har eit kjenneleg skrik «piijæh».

Forvekslingsart

Somme tider kan ein forveksle fjellvåk med musvåk som har eit liknande skrik. Vengjeprofilen i glideflukt minner mykje om ørner, med lange og breie vengjeflater, og det kan skje forveksling med den mykje større kongeørna. Våken kan stoppe opp og stille, noko ørna ikkje kan.

Utbreiing

Utbreiingskart, grønt: hekkingsområde, blått: overvintringsområde

Fjellvåken hekkar i det sirkumpolære området — sjå kartet til venstre. Han er vanleg i Noreg og hekkar nord for Dovre og i fjellet i resten av Sør-Noreg. Bestanden varierer med tilgang på smågnagarar og med toppar i lemenår. Fjellvåken er trekkfugl og forlèt Noreg om hausten.

Bakgrunnsstoff

• Fjellvåkunge

• Fjellvåken har lagt dei fire egga sine

• Fjellvåk i flukt

• Vaksen fjellvåk

• Fjellvåken har fjør/dun heilt ned til klørne.

• Ungane er 2-3 veker gamle

Kjelder

• Svensson, Lars et al, Gyldendals store fugleguide, Gyldendal (1999) ISBN 82-05-25554-7
• Artikkel hos Nrk
  Denne biologiartikkelen er ei spire. Du kan hjelpe Nynorsk Wikipedia gjennom å utvide han.