Hyde Park i London

Frå Wikipedia – det frie oppslagsverket
Gå til: navigering, søk
Norwegian Stone, reist i Hyde Park av Den kongelege norske marinen i 1978 til minne om andre verdskrigen

Hyde Park er ein av dei kongelege parkane i London, og ligg i City of Westminster. Parken har eit flateinnhald på 1,4 km². Parken som ligg ved sida av, Kensington Gardens, blir av mange rekna som ein del av Hyde Park, men dette er ei feiltaking.

Parken blei arva av Henrik VIII frå munkane i Westminster Abbey i 1536. Den var då ei privat jaktmark for monarken og hoffet hans inntil Jakob I tok trona og opna for avgrensa tilgang for folk flest. Det var Karl I som gjorde parken fritt tilgjengeleg for alle i 1637.

Hyde Park er nesten delt i to av innsjøen Serpentine, som blei laga i 1730 og inneheld ender, gjæser og svanar og utleige av robåtar.

Krystallpalasset (Crystal Palace) blei reist i Hyde Park for verdsutstillinga i 1851. Palasset blei seinare øydelagt i brann den 30. november 1936. Hyde Park har også vore arena for ei rekkje berømte rockekonserter, inkludert The Rolling Stones i 1969, Pink Floyd i 1970, Queen i 1976 og ikkje minst Live 8 i 2005.

Blant kjennemerka i Hyde Park er den majestetiske hovudinngangen, Speaker's Corner, Hyde Park Corner og minnesmerket over Diana, prinsesse av Wales.

Bakgrunnsstoff[endre | endre wikiteksten]