Kvartbekkasin

Frå Wikipedia – det frie oppslagsverket
Gå til: navigering, søk
Kvartbekkasin


Lymnocryptes minimus (Marek Szczepanek).jpg

Systematikk
Rike: Animalia
Rekkje: Chordata
Klasse: Aves
Orden: Charadriiformes
Familie: Scolopacidae
Slekt: Lymnocryptes
Art: L. minimus
Vitskapleg namn
Lymnocryptes minimus
Lymnocryptes minimus

Kvartbekkasin er ein fugl i snipefamilien. Trass i likskapen med enkeltbekkasin og dobbeltbekkasin vert han rekna til ei anna slekt, der han er einaste art.

Utsjånad[endre | endre wikiteksten]

Kvartbekkasinen er berre to tredelar av lengda til enkeltbekkasinen og har mykje kortare nebb. Han måler 18 til 20 centimeter, inkludert nebben, og har eit vengespenn på 33-36 cm. I likskap med dei to andre nordiske bekkasinane har fuglen ei fjørdrakt i beige, kvitt, brunt og svart.

Utbreiing og hekkebiotop[endre | endre wikiteksten]

Kvartbekkasinen hekkar på blaute myrar og fuktige skogholt med kort vegetasjon i taigaområda i Eurasia, og på tundraen nord for taigaen. Med berre få unnatak ligg hekkeområdet i dei nordlege delane av Noreg, Sverige, Finland og Russland.

Åtferd[endre | endre wikiteksten]

Av dei tre bekkasinane i Noreg er det denne som trykker hardast. Fuglen flyg opp først når ein nesten trakkar på han. Fuglen flyg ikkje langt før han set seg att.

Trekktilhøve[endre | endre wikiteksten]

Arten er trekkfugl og fuglane flyg sørover til overvintringsstader i Europa og Asia inklusive India.

Kjelder[endre | endre wikiteksten]