Manama

Frå Wikipedia – det frie oppslagsverket
Gå til: navigering, søk
المنامة, Al-Manāmah
MOW RD3.JPG
Styresmakter
Land
Governorate
Bahrain
Capital Governorate
Først nemnd i 1345
Geografi
Innbyggjarar
 - By (2001)
   - folketettleik
 - Storbyområde

162 000
  5 304/km²
345 000
Koordinatar 26°13′″N 50°35′″EKoordinatar: 26°13′″N 50°35′″E
Plassering
Bahrain-Al Manamah.png

Manama er hovudstaden i den arabiske øystaten Bahrain. Byen ligg nordaust på øya Bahrain, ved Persiabukta. Han er den største byen i landet med eit innbyggjartal på om lag 150 000, noko som utgjer om lag ein tredjedel av innbyggjarane i Bahrain.

Dei eldste historiske nedteikningane om byen går tilbake til 1345. Byen vart teken av portugisarar i 1521 og av persarar i 1602. Etter dette har byen vore under kontrol av Al-Khalifa-dynastiet sidan 1783. I 1971 vart byen hovudstad i det no sjølvstendige landet Bahrain.

Økonomien i Manama er, som i resten av landet, basert på petroleum, oljeraffineri, skipsbygging, fiske og perledykking. Hovudstaden er også eit sentrum for handel og finans. Manama har ei moderne hamn i Mina Sulman, og på øya Al-Muharraq like ved ligg Bahrain sin internasjonale flyplass.

I Manama ligg òg Bahrain universitet som vart grunnlagd i 1986, nasjonalmuseet i landet og den største moskeen i landet, Al-Fateh-moskeen. I 2008 blei to skyskraparar ferdigstilt som Bahrain World Trade Center. Desse var dei første skyskraparane i verda som nytta vindmøller til å produsera sin eigen energi.

Bakgrunnsstoff[endre | endre wikiteksten]

Commons-logo.svg Commons har multimedia som gjeld: Manama

Kjelder[endre | endre wikiteksten]