Pterodroma

Petrellane i den biologiske slekta Pterodroma er sjøfuglar i stormfuglfamilien, slekta inkluderer om lag 33 artar av mellomstore til store petrellar som beitar på overflata av sjøen. Pterodroma-petrellar skil seg frå lirer i den uryddige måten dei flyg på over havet med raske vengeslag, der lirer seglar meir elegant over bølgjene.

Desse fuglane har solide nebb som er tilpassa mjuke byttedyr tatt opp frå vassoverflata, dei har vridde tarmar for å fordøye marine dyr med uvanlege biokjemikaliar. Artane er vanskelege å skilje, mange har mørk overside med lysare underside, kort hale og lange venger.

Pterodroma-petrellar hekkar i koloniar på øyar og lever pelagiske utanom hekkesesongen. Kvart kull er på eitt kvitt egg som dei legg i ei hòle på bakken. Dei er nattlege fuglar.

Artsliste

Pterodroma-petrellar i rekkjefølgje etter Clementslista frå desember 2008 med norske namn etter Norske navn på verdens fugler.

Storvengpetrell, Pterodroma macroptera Kermadecpetrell, Pterodroma neglecta Magentapetrell, Pterodroma magentae Heroldpetrell, Pterodroma arminjoniana Tuamotupetrell, Pterodroma ultima Lordhowepetrell, Pterodroma solandri Hendersonpetrell, Pterodroma atrata Madeirapetrell, Pterodroma madeira Kappverdepetrell, Pterodroma feae Silkepetrell, Pterodroma mollis Rodriguespetrell, Pterodroma baraui Reunionpetrell, Pterodroma aterrima Brunhovudpetrell, Pterodroma rostrata Kvithovudpetrell, Pterodroma lessonii Gråbukpetrell, Pterodroma inexpectata Bermudapetrell, Pterodroma cahow Vestindiapetrell, Pterodroma hasitata

Juanfernandezpetrell, Pterodroma externa Kvitbukpetrell, Pterodroma incerta Galapagospetrell, Pterodroma phaeopygia Hawaiipetrell, Pterodroma sandwichensis Macauleypetrell, Pterodroma cervicalis Boninpetrell, Pterodroma hypoleuca Gråkragepetrell, Pterodroma nigripennis Chathampetrell, Pterodroma axillaris Flaggermuspetrell, Pterodroma cookii Masatierrapetrell, Pterodroma defilippiana Sotkragepetrell, Pterodroma leucoptera Sotnakkepetrell, Pterodroma longirostris Maoripetrell, Pterodroma pycrofti Fijipetrell, Pterodroma macgillivrayi Phoenixpetrell, Pterodroma alba Vanuatupetrell, Pterodroma occulta

Kjelder

• Denne artikkelen bygger dels på «Gadfly petrel» frå Wikipedia på engelsk, den 8. september 2009
• Syvertsen, P. O., Ree, V., Hansen, O. B., Syvertsen, Ø., Bergan, M., Kvam, H., Viker, M. & Axelsen, T. 2008. Virksomheten til Norsk navnekomité for fugl (NNKF) 1990-2008. Norske navn på verdens fugler. Norsk Ornitologisk Forening sin nettstad (publisert 22.5.2008)
• Schreiber, Elizabeth A. & Burger, Joanne (2001) Biology of Marine Birds, Boca Raton:CRC Press, ISBN 0-8493-9882-7
• Clementslista frå desember 2008. Nedlasting av lista, lese 5. juli 2009]

Denne biologiartikkelen er ei spire. Du kan hjelpe Nynorsk Wikipedia gjennom å utvide han.