Sporvehauk

Frå Wikipedia – det frie oppslagsverket
Gå til: navigering, søk
Sporvehauk

Status i verda: LC Livskraftig
Status i Noreg: LC Livskraftig

Hannfugl
Hannfugl

Systematikk
Rike: Animalia
Rekkje: Chordata
Klasse: Aves
Orden: Accipitriformes
Familie: Accipitridae
Slekt: Accipiter
Art: A. nisus
Vitskapleg namn
Accipiter nisus
Sporvehauk
Namn på andre språk
Norrønt Spǫrrhaukr
Svensk Sparvhök
Dansk Spurvehøg
Engelsk Eurasian Sparrowhawk
Tysk Sperber
Fransk Épervier d'Europe
Spansk Gavilán
Russisk Jastreb-perepeljatnik (Ястреб-перепелятник)

Sporvehauk (Accipiter nisus) er ein rovfugl i haukefamilien.

Utsjånad[endre | endre wikiteksten]

Sporvehauken er 28-38 cm og 110-340 g. Han har lang hale med 4-5 mørke tverrband og breie, avrunda venger. Hoa er størst. Ho er brungrå på oversida og tverrstripa brun på undersida. Hannen er grå på oversida og tverrstripa oransjeraud under.

Fuglen flyg med nokre få raske vengeslag som vert avløyst av glideflukt.

Utbreiing[endre | endre wikiteksten]

Sporvehauken finst i det meste av Europa og søraustover til det nordlege Iran. Andre underartar finst i Nord-Afrika og Asia.

Førekomst i Noreg[endre | endre wikiteksten]

Fuglen hekkar i skogområde over heile landet, men er fåtalig nord for Saltdalen. I kystområda kan fuglen hekke heilt ut i dei ytste skogplantingane. Sporvehauken hekkar helst i tett skog, gjerne i yngre plantefelt av gran og furu. Han er også påvist som hekkefugl opp i fjellbjørkeskogen. I hekketida held sporvehauken seg til skogområda, medan han på hausten og vinteren vert observert jaktande opp til fjells og i byområde, gjerne ved fuglebrett.

Levesett[endre | endre wikiteksten]

Sporvehauk
Accipiter nisus

Sporvehauken er ein rovfugl som mest jaktar på fuglar, men han tek òg smågnagarar.

Hoa legg 4-5 egg i mai og rugar dei i 40 dagar. Ungane vert flygedyktige etter 25-30 dagar.

Sporvehauken er ein trekkfugl som kjem i mars-april og reiser til område lenger sør i Europa, spesielt Danmark, Frankrike og Storbritannia, i september-oktober. Mange overvintrar i kyststrøk og ved byar og tettstadar.

Bakgrunnsstoff[endre | endre wikiteksten]

Commons-logo.svg Commons har multimedia som gjeld: Sporvehauk