Erling Jevne

Frå Wikipedia – det frie oppslagsverket
Hopp til navigering Hopp til søk
Erling Jevne
Fødd 24. mars 1966
Lillehammer
Yrke langrennsløpar

Erling Jevne (fødd 24. mars 1966) er ein norsk tidlegare langrennar frå Øyer i Oppland. Frå 1987 til 2002 tevla han på høgt nivå, han la opp i 2006. Han var klart best i klassisk langrenn og hadde i fleire år fast plass på Noregs stafettlag i verdscup og internasjonale meisterskap. Jevne var med å vinne 4 x 10 km stafett i verdsmeisterskapen både i 1995 og i 1997, i 1998 vart han olympisk meister i same øvinga.

Jevnes største individuelle prestasjonar var to sølvmedaljar, ei på 50 km under Ski-VM 1997 i Trondheim, den andre på 30 km under dei olympiske leikane året etter. Tre gongar gjekk han til topps i verdscuprenn (1996, 2000, 2001/2). I alt kom han tolv gongar på pallen i verdscupen (3-6-3).

Jevne vart noregsmeister tre gongar, alle gongane (1992, 1994, 1996) på femmila. Han var ein såkalla milslukar, alle dei åtte NM-medaljane vann han på renn over 30 km og 50 km. Jevne var medlem av Øyer IF.

Medaljar og besteplasseringar i internasjonale meisterskap og renn[endre | endre wikiteksten]

  • 1987: Nr 5 på 50 km i Holmenkollen
  • 1991: Nr 11 på 50 km i Holmenkollen
  • 1992: Nr 5 på 30 km i OL i Albertville, nr 4 på 50 km i Holmenkollen
  • 1993: Nr 7 på 30 km i VM i Falun, nr 4 på 50 km i Holmenkollen
  • 1994: Nr 5 på 50 km i OL på Lillehammer
  • 1995: Gull på stafetten, nr 6 på 10 km og nr 7 på femmila under VM i Thunder Bay
  • 1996: Vinnar av 50 km i verdscupen i Holmenkollen
  • 1997: Gull på stafetten, sølv på 50 km og nr 7 på 10 km under VM i Trondheim
  • 1998: Gull på stafetten, sølv på 30 km og nr 7 på 10 km under OL i Nagano
  • 1999: Sølv på VM-stafetten, samt nr 2 på 15 km i verdscupen i Nove Mesto
  • 2000: Vinnar av 10 km i verdscupen i Bormio
  • 2001: Nr 4 på 30 km i verdsmeisterskapen i Lahti
  • 2001/2: Vinnar av 15 km i verdscupen i Davos. Nr 6 på 15 km under OL i Salt Lake City

Medaljar og besteplasseringar i noregsmeisterskap[endre | endre wikiteksten]

  • 1987: Nr 5 på 15 km i Steinkjer.
  • 1988: –
  • 1989: Nr 8 på 30 km på Geilo.
  • 1990: Bronsemedalje på 50 km på Gjøvik.
  • 1991: Bronsemedalje på 50 km i Bodø
  • 1992: Gullmedalje på 50 km i Molde og sølvmedalje på 30 km i Trondheim
  • 1993: Nr 4 på 30 km på Lillehammer.
  • 1994: Gullmedalje på 50 km i Stor-Elvdal
  • 1995: Sølvmedalje på 30 km i Oslo
  • 1996: Gullmedalje på 50 km i Stryn.
  • 1997: Nr 10 på 10 km i Mo i Rana
  • 1998: –
  • 1999: Nr 5 på 10 km i Skrautvål
  • 2000: Bronsemedalje på 30 km i Vang
  • 2001: Nr 6 på 10 km i Steinkjer
  • 2002: –

Kjelder[endre | endre wikiteksten]

  • Sportsboken, aktuelle årgangar
  • Bokmålswikipedia