Jab'a

Denne artikkelen handlar om landsbyen i Bethlehem guvernement. For landsbyen i Jenin guvernement, sjå Jaba i Jenin.

al-Jab'a
الجبعة, Jaba'a, Jab'aa
kommune
Namneopphav: Ås
Land	Dei palestinske territoria
Guvernement	Bethlehem guvernement
Koordinatar	31°40′29″N 35°04′40″E
Areal	10,1 km²
Folketal	896  (2007)
Folketettleik	89 / km²
Jab'a 31.674722222222°N 35.077777777778°E / 31.674722222222; 35.077777777778
Wikimedia Commons: Jab'a

Jab'a (arabisk الجبعة) er ein palestinsk landsby sentralt på Vestbreidda, 17 kilometer nord for Hebron og 15 kilometer sørvest for Betlehem. Han ligg tre kilometer aust for den grøne linja, i separasjonssonen, omgjeve av israelske busetjingar i Gush Etzion regional kommune og Israel si sperring på Vestbreidda. Nærliggande palestinske byar og landsbyar er Surif like ved Jaba'a, Wadi Fukin og Nahalin i nord. Han er den nordlegaste busetnaden i Hebron guvernement. I følgje Palestinsk statistisk sentralbyrå hadde Jab'a eit folketal på kring 896 i 2007.

Historie

Jab'a er datert attende til kanaanittane. Det er òg gjort funn av bysantinsk keramikk.

I 1596 stod Jaba oppført i osmanske skattelister som ein del av Quds nahiya i Quds liwa. Han hadde eit folketal på tre muslimske hushaldningar og betalte skatt for kveite, bygg, oliven, og geiter eller bikubar.

I The Survey of Western Palestine (1883) vart Jeba skildra som «ein liten landsby på ein høg, smal rygg, med ein bratt dal i nord. Husa er av stein. I aust er det grotter i klippene.»

I ei folketeljing i 1922 utført av Dei britiske mandatstyresmaktene hadde Al Jaba'a eit folketal på 122, alle muslimar, medan han i folketeljinga i 1931 hadde eit folketal på 176, framleis alle muslimar, som budde i totalt 36 hus.

I 1945 var folketalet i El Jab'a 210, alle arabarar, som eigde 5 593 mål land i følgje ei offisiell landmåling. 102 mål var plantasjar og irrigert land, 1 880 vart brukt til korndyrking, medan 12 mål var utbygd (urbant) land.

Kjelder

• Denne artikkelen bygger på «Jab'a» frå Wikipedia på engelsk, den 28. september 2015.
  • Wikipedia på engelsk oppgav desse kjeldene:
• Conder, Claude Reignier; Kitchener, H. H. (1883). The Survey of Western Palestine: Memoirs of the Topography, Orography, Hydrography, and Archeology 3. London: Committee of the Palestine Exploration Fund. 
• Claudine Dauphin (1998). La Palestine byzantine, Peuplement et Populations, Vol. III : Catalogue. BAR International Series 726. Oxford: Archeopress. 
• Hadawi, Sami (1970). Village Statistics of 1945: A Classification of Land and Area ownership in Palestine. Palestinsk frigjeringsorganisasjon forskingssentral. 
• Wolf-Dieter Hütteroth and Kamal Abdulfattah (1977). Historical Geography of Palestine, Transjordan and South Syria in the Late 16th Century. Erlanger Geographische Arbeiten, Sonderband 5. Erlangen, Tyskland: Vorstand der Fränkischen Geographischen Gesellschaft. 
• E. Mills, red. (1932). Census of Palestine 1931. Population of Villages, Towns and Administrative Areas (PDF). Jerusalem: Government of Palestine. 
• Palmer, E. H. (1881). The Survey of Western Palestine: Arabic and English Name Lists Collected During the Survey by Lieutenants Conder og Kitchener, R. E. Transliterated and Explained by E.H. Palmer. Committee of the Palestine Exploration Fund. 

Bakgrunnsstoff

• Velkomen til al-Jab'a