Hopp til innhald

Nahalin

Frå Wikipedia – det frie oppslagsverket
Nahalin
نحالين, Nahaleen
kommune
Namneopphav: Honningsamlarar
Land  Dei palestinske territoria
Guvernement Betlehem guvernement
Koordinatar 31°41′05″N 35°06′57″E / 31.68472°N 35.11583°E / 31.68472; 35.11583
Areal 16,1 km²
Folketal 6 827  (2007)[1]
Folketettleik 424 / km²
Kart
Nahalin
31°41′05″N 35°06′57″E / 31.684722222222°N 35.115833333333°E / 31.684722222222; 35.115833333333
Kart som viser Nahalin.
Kart som viser Nahalin.
Kart som viser Nahalin.
Wikimedia Commons: Nahalin

Nahalin, òg skrive Nahhalin, Nahhaleen eller Nahaleen, (arabisk نحالين) er ein palestinsk landsby i Betlehem guvernement, sørvest for Betlehem på Vestbreidda. Ordet nahaleen er arabisk for dei som samlar honning frå bier. Landsbyen var kjend for biehald og det finst framleis mange bikubar i Nahalin i dag. Landsbyen er òg lokalt kjend for mandlane sine og oliventre, vindruer, persille og grønsaker, hovudsakleg lauk og bønner.

Landsbyen ligg innafor ein enklave i busetjingsblokka Gush Etzion, omgjeve av dei israelske busetjingane Gvaot, Rosh Tzurim, Neve Daniel og Betar Illit.[2]

Historie

[endre | endre wikiteksten]

Ein har funne bysantinsk keramikk ved landsbyen.[3]

Dagens Nahalin vart bygd i ruinane av ein mellomalderlandsby.[4] I 1596 stod Nahalin oppført i osmanske skattelister som ein del av Quds nahiya i Quds liwa. Han hadde eit folketal på 40 muslimske hushaldningar og 16 kristne hushaldningar. Han betalte skattar av kveite, bygg, druesirup eller melasse, og geiter eller bikubar.[5]

Den franske oppdagaren Victor Guérin vitja landsbyen i 1860-åra, og han skildra han som «eit virvar av små hus», med tobakksplantasjar kring.[6] I 1883 skildra Palestine Exploration Fund landsbyen i Survey of Western Palestine som «ein mellomstor landsby, på ein slags naturleg terrasse nedanfor ein rygg, med ein stor dal i nord. I nord ligg det ei kjelde i dalen. Det ligg òg ei kjelde i sør. I aust ligg ein Mukam, med to store eiketre, heilag for Haj 'Aleiyan.»[7]

I folketeljinga i 1922, utført av Dei britiske mandatstyresmaktene, hadde Nahhalin eit folketal på 316, fire kristne og 312 muslimar.[8] I folketeljinga i 1931 var folketalet i Nahhalin 440, (tre kristne og resten muslimar), i 98 busette hus.[9]

I 1945 var folketalet i Nahhalin 620, alle arabarar, som eigde 16 144 dekar land i følgje ei offisiell landmåling.[10] Av dette var 1 068 dekar var plantasjar og irrigert land, 4 659 for korn,[11] medan 63 dekar vart utbygd (urbant) land.[12]

Etter 1948

[endre | endre wikiteksten]

Den 28. mars 1954 utførte israelarar eit raid mot ein base for den arabiske legionen 4 kilometer utafor Nahalin. Dei israelske styrkane bommba på basen og plasserte sprengladningar og øydela sju hus i landsbyen, mellom anna moskeen[13][14] medan fem personar i nasjonalgarden, tre i legionen og ei kvinne vart drepen, medan 18 sivile, inkludert kvinner og barn, vart skadde.[15][13]

Kjelder

[endre | endre wikiteksten]
  1. ↑ 2007 PCBS Census Palestinsk statistisk sentralbyrå. s.117.
  2. ↑ «The Vestbreidda Barrier - Profile: Nahalin Village». UNRWA. February 2006. Henta 13. oktober 2014. 
  3. ↑ Dauphin, 1998, s. 919
  4. ↑ Nahaline Old Core. The Centre for Cultural Heritage Preservation.
  5. ↑ Hütteroth and Abdulfattah, 1977, s. 118.
  6. ↑ Guérin, 1869, s. 119-120
  7. ↑ Conder og Kitchener, 1883, s. 26
  8. ↑ J. B. Barron, red. (1923). Palestine: Report and General Abstracts of the Census of 1922. Government of Palestine. Table VII, Subdistrict of Betlehem. 
  9. ↑ E. Mills, red. (1932). Census of Palestine 1931. Population of Villages, Towns and Administrative Areas (PDF). Jerusalem: Government of Palestine. s. 36. 
  10. ↑ Government of Palestine, Department of Statistics. Village Statistics, April, 1945. Sitert i S. Hadawi, Village Statistics, 1945. PLO Research Sentral, 1970, s. 57
  11. ↑ Government of Palestine, Department of Statistics. Village Statistics, April, 1945. Sitert i S. Hadawi, Village Statistics, 1945. PLO Research Sentral, 1970, s. 103
  12. ↑ Government of Palestine, Department of Statistics. Village Statistics, April, 1945. Sitert i S. Hadawi, Village Statistics, 1945. PLO Research Sentral, 1970, s. 153
  13. ↑ 13,0 13,1 S/3251, arkivert frå originalen 14. juli 2014, henta 1. oktober 2015 
  14. ↑ David Tal, Israel's road to the 1956 war, International Journal of Midtausten Studies, Vol. 28, No. 1. (Feb., 1996), s. 59-81.
  15. ↑ Cablegram Dated 30. mars 1954 Arkivert 2014-07-14 ved Wayback Machine. Frå Minister for Foreign Affairs of the Hashemite Kindom the Jordan Addressed to the Secretary-General

Bakgrunnsstoff

[endre | endre wikiteksten]
Henta frå «https://nn.wikipedia.org/w/index.php?title=Nahalin&oldid=3472273»