Jammain

Jammain
جمّاعين, Jamma'in, Jamma'een
kommune
Namneopphav: Selskap
Land	Dei palestinske territoria
Guvernement	Nablus guvernement
Koordinatar	32°07′52″N 35°12′03″E
Areal	19,8 km²
Folketal	6 225  (2007)
Folketettleik	314 / km²
Jammain 32.131111111111°N 35.200833333333°E / 32.131111111111; 35.200833333333
Kart som viser Jammain. Kart som viser Jammain.
Wikimedia Commons: Jamma'in

Jamma'in (arabisk جمّاعين) er ein palestinsk by nord på Vestbreidda, 16 km sørvest for Nablus, 6 km nordvest for Salfit og 40 km nord for Ramallah. I følgje Palestinsk statistisk sentralbyrå hadde byen eit folketal på 6 227 i 2007.

Historie

Jamma'in ligg på ei høgd som har vore busett sidan oldtida. Tilskjerte steinar har blitt nytta om att i landsbyhusa, murar, gjerde og jordbruksterrassar. Ein har òg funne uthogde cisterner. 400 meters nordvest for byen ligg gravholer hogde ut i berget, med ei nisje og grotte (kalla I-Qubay'ah). Ein har òg funne keramikk frå sein romersk og bysantinsk tid.

På 1000- og 1100-talet var landsbyen eit senter for Hanbali-aktivitet.

Byen har vore busett sidan midten av islamsk tid Palestina og Saladin slo leir her med hæren sin. Dei førte innbyggjarane i byen var Bani Qudama, som flytta til Damaskus og oppretta forstaden Salihiyah i 1156. Medan dei var i byen bygde dei den første moskéen her.

Yaqut skildra staden som «Ein brunn i Nablusåsen i Filastin-provinsen. Han ligg ei dagsreise frå Jerusalem og høyrer til den byen.»

Ein landsby i krossfarartida (1123 CE), kalla Gemmail, har blitt identifisert som Jamma'in.

Det osmanske riket

Jamma'in vart ein del av Det osmanske riket i 1517 i lag med resten av Palestina, og i 1596 stod han oppført i skattelister som ein del av Jabal Qubal nahiya i Nablus liwa. Han hadde eit folketal på 18 hushaldningar og fem ungkarar, alle muslimar. Innbyggjarane i landsbyen betalte skatt for kveite, bygg, sommaravlingar, oliventre, geiter og/eller bikubar, og ei presse for druer eller oliven.

På 1600-talet regjerte Qasim-familien Jamma'in og tjue nærliggande landsbyar. Jamma'in var setet i Jamma'in underdistrikt i Nablus sanjak.

Den franske oppdagaren Victor Guérin vitja landsbyen (som han kalla Djemma'in) i 1870, og estimerte at han hadde 1400 innbyggjarar. Husa var i betre stand enn mange andre stader Palestina, og somme verka nybygde.

I 1882 skildra Palestine Exploration Fund i Survey of Western Palestine Jemmain som «den største landsbyen i distriktet, i høgt lende, omgjeve av olivenlundar. Vassforsyninga er eit reservoar og ein brunn aust for landsbyen.»

Palestinamandatet

I folketeljinga i 1922, utført av Dei britiske mandatstyresmaktene, hadde hadde Jammain eit folketal på 720, alle muslimar, dette auka i folketeljinga i 1931 til 957, framleis alle muslimar, i 202 hus.

I 1945 hadde Jamma'in eit folketal på 1 240, alle arabarar, med 19 821 mål land, i følgje ei offisiell landmåling. Av dette var 5 362 mål var plantasjar og irrigert land, 6 625 nytta for korn, medan 77 mål vart utbygd land.

Etter 1967

Som så mange andre palestinske stader på Vestbreidda, har innbyggjarane i Jamma'in vore involvert i Israel-Palestina-konflikten, og har vore eit mål for fleire raid frå det israelske forsvaret (IDF). Sidan Den første intifadaen i 1987, har seks menneske i byen mista livet i åtak frå IDF og hundrevis har blitt sett i fengsel.

Kjelder

• Denne artikkelen bygger på «Jammain» frå Wikipedia på engelsk, den 24. september 2015.
  • Wikipedia på engelsk oppgav desse kjeldene:
• Barron, J. B., red. (1923). Palestine: Report and General Abstracts of the Census of 1922. Government of Palestine. 
• Conder, Claude Reignier; Kitchener, H. H. (1882). The Survey of Western Palestine: Memoirs of the Topography, Orography, Hydrography, and Archeology 2. London: Committee of the Palestine Exploration Fund. 
• Dauphin, Claudine (1998). La Palestine byzantine, Peuplement et Populations, Vol. III : Catalogue. BAR International Series 726. Oxford: Archeopress. 
• Finkelstein, Israel; Lederman, Zvi, red. (1997). Highlands of many cultures. Tel Aviv: Institute of Archeology of Tel Aviv University Publications Section. ISBN 965-440-007-3. 
• Guérin, Victor (1875). Description Géographique Historique et Archéologique de la Palestine (på fransk). 2: Samarie, pt. 2. Paris: L'Imprimerie Nationale. 
• Hadawi, Sami (1970), Village Statistics of 1945: A Classification of Land and Area ownership in Palestine, Palestinsk frigjeringsorganisasjon forskingssentral 
• Hütteroth, Wolf-Dieter; Abdulfattah, Kamal (1977). Historical Geography of Palestine, Transjordan and South Syria in the Late 16th Century. Erlanger Geographische Arbeiten, Sonderband 5. Erlangen, Tyskland: Vorstand der Fränkischen Geographischen Gesellschaft. ISBN 3-920405-41-2. 
• Mills, E., red. (1932). Census of Palestine 1931. Population of Villages, Towns and Administrative Areas (PDF). Jerusalem: Government of Palestine. 
• Palmer, E. H. (1881). The Survey of Western Palestine: Arabic and English Name Lists Collected During the Survey by Lieutenants Conder og Kitchener, R. E. Transliterated and Explained by E.H. Palmer. Committee of the Palestine Exploration Fund. 
• Röhricht, Reinhold (1893). (RRH) Regesta regni Hierosolymitani (MXCVII-MCCXCI) (på latin). Berlin: Libraria Academica Wageriana. 
• Strange, le, Guy (1890). Palestine Under the Moslems: A Description of Syria and the Holy Land from A.D. 650 to 1500. Committee of the Palestine Exploration Fund. 

Bakgrunnsstoff

• Velkommen til Jamma'in