Kiryat Malakhi

Kiryat Mal'akhi
קִרְיַת מַלְאָכִי, Qiryat Mal'akhi, Kiryat Malachi
by
Våpenskjold
Namneopphav: Englebyen
Land	Israel
Distrikt	Det sørlege distriktet
Koordinatar	31°44′N 34°44′E
Areal	4,632 km²
Folketal	20 600 (2009)
Folketettleik	4 447 / km²
Grunnlagd	1951
- Bystatus	1998
Borgarmeister	Eliyahu Zohar
Kiryat Malakhi 31°43′0″ N 34°45′0″ E
Wikimedia Commons: Kiryat Malakhi

Kiryat Malakhi (hebraisk skrift קִרְיַת מַלְאָכִי, òg Qiryat Malakhi eller Kiryat Malachi) er ein by i Det sørlege distriktet i Israel, 17 km frå Ashkelon. I følgje Israelsk statistisk sentralbyrå (CBS) hadde han i 2009 20 600 innbyggjarar.

Historie

Krigsminnesmerke i Kiryat Malakhi.

Kiryat Malakhi vart grunnlagd i 1951 som ein ma'abara, eller teltby, for husa dei store massane av jødiske immigrantar som kom dei første åra etter Israel vart oppretta. Mange av dei kom frå arabiske land. Namnet vart valt for å ære det jødiske samfunnet i Los Angeles, som bidrog til finansieringa av leiren. Han vart grunnlagd på landområde som høyrte til den avfolka palestinske landsbyen Qastina.

Kiryat Malakhi vart seinare ein av fleire utviklingsbyar i Negev.

Moshe Katsav, som seinare vart den åttande presidenten i Israel, vart valt til borgarmeister i 1969, berre 24 år gammal. Den yngre broren Lior Katsav, var òg borgarmeister i Kiryat Malakhi.

Den 15. november 2012 tok rakettåtak frå militante i Gaza livet av tre jødiske innbyggjarar.

Venskapsbyar

Kiryat Malakhi er venskapsby med:

• Piatra Neamț i Romania
• Rueil-Malmaison i Frankrike

Kjelder

• Denne artikkelen bygger på «Kiryat Malakhi» frå Wikipedia på engelsk, den 6. september 2015.
  • Wikipedia på engelsk oppgav desse kjeldene:
• Khalidi, Walid (1992), All That Remains: The Palestinian Villages Occupied and Depopulated by Israel in 1948, Washington D.C.: Institute for Palestine Studies, ISBN 0-88728-224-5 

Bakgrunnsstoff

• Offisiell nettstad (he)