Hura

Frå Wikipedia – det frie oppslagsverket
Hura
חוּרָה, חוּרָא, حورة
lokal kommune
Land  Israel
Distrikt Det sørlege distriktet
Koordinatar 31°17′39″N 34°55′52″E / 31.29417°N 34.93111°E / 31.29417; 34.93111
Areal 6,646 km²
Folketal 17 500  (2010)[1]
Folketettleik 2 633 / km²
Grunnlagd 1989
Borgarmeister Dr. Muhammad Al-Nabari[2]
Kart
Hura
31°17′39″N 34°55′52″E / 31.294166666667°N 34.931111111111°E / 31.294166666667; 34.931111111111
Wikimedia Commons: Hura, Israel

Hura eller Houra (hebraisk skrift חוּרָה, חוּרָא, arabisk حورة) er ein beduin-landsby i Det sørlege distriktet i Israel. Han ligg nær Beersheba og ved sidan av byen Meitar. Landsbyen vart grunnlagd i 1989 som ein del av ei løysing staten tilbaud Negev-beduinane, og han fekk status som lokal kommune i 1996.

Hura er ein av sju beduinske kommunar i Negevørkenen med godkjende planar og utvikla infrastruktur. Dei seks andre er Ar'arat an-Naqab (Ar'ara BaNegev), Lakiya, Shaqib al-Salam (Segev Shalom), Kuseife (Kseife), Tel as-Sabi (Tel-Sheva) og byen Rahat, som er den største av dei.[3]

Dei to fremste beduinfamiliane som bur i Hura er Abu Alkian og Al-Atawneh. I følgje Israelsk statistisk sentralbyrå (CBS) var folketalet i Hura 17 500 i desember 2010[4].

Historie[endre | endre wikiteksten]

Hura.

Før opprettinga av Israel, var Negev-beduinar eit delvis nomadisk samfunn som hadde vore gjennom ein prosess for å bli bufaste sidan osmansk styre i regionen. Dei fleste forskarane er samde i at beduinane kom til Negev kring 1800, men det er spor etter dei tidlegare òg.[5]

Under Det britiske mandatet gav ikkje styresmaktene eit lovverk til å avgjere og bevare kven som eigde landområda. For å få orden på dette vart landpolitikken til Israel i stor grad tilpassa dei osmanske landreguleringane frå 1858 som det føregåande lovverket. Dermed nasjonaliserte Israel det meste av Negev ved hjelp av statlege landreguleringar frå 1969.[5]

Israel heldt fram linja for å få fast bustad for Negev-beduinane, som dei osmanske styresmaktene tvinga på dei, og det omfatta først regulering og flytting. I 1950-åra flytta Israel to tredjedelar av Negev-beduinane til eit område som var under krigsrett.[5]

Det neste steget var å opprette sju kommunar spesielt for beduinane med betre levevilkår, skikkeleg infrastruktur og og gode offentelge tenester innan helse og utdanning. Men ikkje alle beduinane gjekk med på å flytte frå telta sine til leilegheitene og husa som staten hadde laga for dei. Kring 60% av beduinane i Israel bur i planlagde landsbyar som Ar'arat an-Naqab, medan resten bur i ulovlege heimar spredd over heile Nord-Negev.[6]

Galleri[endre | endre wikiteksten]

  • Sentrum av Hura, 2012
    Sentrum av Hura, 2012
  • Privathus i Hura, 2012
    Privathus i Hura, 2012
  • Ein av skulane i Hura, 2012
    Ein av skulane i Hura, 2012
  • Legekontor i Hura, 2012
    Legekontor i Hura, 2012

Sjå òg[endre | endre wikiteksten]

Kjelder[endre | endre wikiteksten]

  1. ↑ «Table 3 - Population of Localities Numbering Above 2 000 Residents and Other Rural Population» (PDF). Israelsk statistisk sentralbyrå. 30. september 2014. Henta 1. oktober 2014. 
  2. ↑ PM Netanyahu meets with Negev beduin mayors MFA, November 3, 2011
  3. ↑ Staten Israel. Ministry of Justice, Ministry of Foreign Affairs. List of Issues to be taken up in Connection with the Consideration of Israel's Fourth and Fifth Periodic Reports of Israel (CEDAW/C/ISR/4 and CEDAW/C/ISR/5)
  4. ↑ Statistical abstract of Israel 2011. POPULATION AND DENSITY PER SQ. KM. IN LOCALITIES NUMBERING 5 000 RESIDENTS AND MORE ON 31 XII 2010(1) Arkivert 2016-04-05 ved Wayback Machine. Israelsk statistisk sentralbyrå, 31. desember 2010
  5. ↑ 5,0 5,1 5,2 Dor Fridman. «About the Negev beduinar». LocalEconomySeminar. Arkivert frå originalen 5. juli 2012. Henta 7. september 2015. 
  6. ↑ beduin information, ILA, 2007 (PDF), arkivert frå originalen (PDF) 15. juli 2015, henta 7. september 2015 
Henta frå «https://nn.wikipedia.org/w/index.php?title=Hura&oldid=3474912»