Yoav regionale kommune

Yoav regionale kommune
regional kommune
Land	Israel
Distrikt	Det sørlege distriktet
Koordinatar	31.600°N 34.900°E / 31.600; 34.900
Areal	230 km²
Folketal	5 300
Yoav regionale kommune 31.6°N 34.9°E / 31.6; 34.9
Kart som viser Yoav regionale kommune. Kart som viser Yoav regionale kommune.
Wikimedia Commons: Yoav regional council

Yoav regionale kommune (hebraisk skrift מועצה אזורית יואב, Mo'atza Azorit Yoav) er ein regional kommune i Det sørlege distriktet i Israel. Han ligg nær byane Kiryat Gat, Kiryat Malakhi og Ashkelon. Han vart grunnlagd i 1952 og dekkjer eit område på 230 km² og har kring 5 300 innbyggjarar.

Kommunen er kalla opp etter Yitzhak Dubnov, som hadde kallenamnet «Yoav». Han fall i kampar ved Negba i den israelske sjølvstendekrigen. Operasjon Yoav og Metzudat Yoav, som ligg i kommunen, er òg kalla opp etter han.

Kommunen består av to delar som ikkje heng geografisk saman. Hovuddelen grensar i nord til Nahal Sorek regionale kommune, i vest til Be'er Tuvia regionale kommune og Shafir regionale kommune, i sør til Lakhish regionale kommune og Kiryat Gat, og i aust til Matte Yehuda regionale kommune. Den vestlege delen av kommunen, som omfattar kibbutzane Negba og Sde Yoav, grensar i nord og aust til Shafir regionale kommune, i vest til Hof Ashkelon regionale kommune, og i vest til Lakhish regionale kommune.

Busetnader

Kommunen består av åtte kibbutzar, tre moshavar, ein ungdomslandsby, ein fellesbusetnad og ein arabisk landsby.

Kibbutzar

• Beit Nir
• Beit Guvrin
• Gal On
• Gat
• Kfar Menachem
• Negba
• Revadim
• Sde Yoav

Moshavar

• Kfar HaRif
• Nahla
• Sgula

Ungdomslandsby

• Kedma

Fellesbusetnad

• Vardon

Arabisk landsby

• al-'Azi

Kjelder

• Denne artikkelen bygger på «Yoav Regional Council» frå Wikipedia på engelsk, den 13. september 2015.
  • Wikipedia på engelsk oppgav desse kjeldene:

Bakgrunnsstoff

• Offisiell nettstad (en) (he)