Physical av Olivia Newton-John
| Physical Singel av Olivia Newton-John frå albumet Physical | ||
| B-side |
«The Promise (The Dolphin Song)» | |
|---|---|---|
| Språk | engelsk | |
| Utgjeve | September 1981 | |
| Innspelt | Januar 1981 | |
| Sjanger | New wave | |
| Lengd | 3:45 | |
| Selskap | MCA | |
| Låtskrivar(ar) | Steve Kipner, Terry Shaddick | |
| Produsent | John Farrar | |
| Olivia Newton-John-kronologi | ||
| «Suddenly» (1980) |
Physical | «Make a Move on Me» (1982)
|
«Physical» er ein song av den australske songarinna Olivia Newton-John for det 12. studioalbumet hennar, Physical. Han vart gjeven ut i september 1981 på MCA Records som den første singelen frå albumet. Songen vart skriven av Steve Kipner og Terry Shaddick, som opphavleg hadde tenkt å gje han til den britiske songaren Rod Stewart, medan produksjonen vart gjort av John Farrar.[1]
Songen vart ein umiddelbar suksess og selde 2 millionar eksemplar i USA, som gav ho platinaplate, og låg 10 veker på toppen av Billboard Hot 100. Dette vart dermed den største singelen til Newton-John i USA. Songen nådde sjuandeplassen i Storbritannia i november.[2] Songen vart nominert til Grammyprisen for beste kvinnelege popsong.
Singelen har i alt seld kring 2,5 millionar eksemplar.
Soge
[endre | endre wikiteksten]Han vart spelt inn tidleg i 1981 og gjekk til toppen av Billboard Hot 100 i USA i november 1981, der han låg i ti veker til slutten av januar 1982. Billboard rangerte han som den mestseljande singelen for 1982 (salsåret starta i november 1981), og ein av dei mestseljande singlane på lista i 1980-åra.[treng kjelde] Gitarsoloen i songen vert framført av Steve Lukather.
Songen var kvassare enn songar Newton-John var kjend for tidlegare, som songane frå Grease og den store countrypop-hiten «I Honestly Love You». Songen vart til og med bannlyst av enkelte radiostasjonar på grunn av det seksuelle innhaldet, til dømes linja «There's nothing left to talk about unless it's horizontally».
Musikkvideoen for songen vart regissert av Brian Grant.
Ettermæle
[endre | endre wikiteksten]Billboard rangerte songen på sjetteplassen på lista deira All Time Top 100 og øvst på lista deira Top 50 Sexiest Songs Of All Time.[3][4]
Ein bossanova-versjon av songen vart gjeven ut i 2002 på duettalbumet til Newton-John kalla (2), som eit bonusspor.
I nyare tid rangerte Matthew Wilkening frå AOL Radio i 2010 songen på 39. plass på lista over dei 100 verste songane gjennom tidene.[5]
Andre versjonar
[endre | endre wikiteksten]- Elephant Man med Kat DeLuna sampla songen i «Body Talk» på albumet Let's Get Physical i 2008.
- Victor Willis frå Village People spelte inn songen i 1982 for singelutgjeving.
- Ramsey Lewis spelte songen i 1983 på albumet Les Fleurs.
- Industrial metal-bandet Revolting Cocks spelte songen i 1990 på albumet Beers, Steers, and Queers.
- Elektro-duoen Goldfrapp spelte songen på Utopia frå debutalbumet deira Felt Mountain.
- Sophie Ellis-Bextor spelte inn songen som eit gøymd spor på albyumet hennar Shoot from the Hip.
- Kylie Minogue spelte ein versjon av songen i filmmusikken til filmen Moulin Rouge! frå 2011, men han vart ikkje nytta i filmen. Han vart sidan gjeven ut på ei utgåve av albumet Light Years.
- Synthpop-gruppa Queen of Japan spelte ein versjon av songen for ein singel i 2001.
- Marc Kudisch og Lisa Capps framførte songen på konsert i 2002.
- Kent James (aka Nick Name) gav ut songen i 2003.
- Electropop-bandet The Black Ghosts spelte ein versjon av songen.
- Steve Carell og Amy Ryan syng ein perodi av songen i ein episode av The Office.
Lister
[endre | endre wikiteksten]| Liste (1981–82) | Plassering |
|---|---|
| Australia (Kent Music Report) | 1 |
| Canada (RPM) | 1 |
| Tyskland (Media Control AG) | 4 |
| Irland (IRMA) | 4 |
| Japan (Oricon) | 17 |
| Nederland (Dutch Top 40) | 4 |
| New Zealand (RIANZ) | 1 |
| Sverige (Sverigetopplistan) | 15 |
| Sverits (Schweizer Hitparade) | 1 |
| UK Singles (The Official Charts Company) | 7 |
| US Billboard Hot 100 | 1 |
| US Adult Contemporary (Billboard) | 29 |
| Liste (2010) | Plassering |
| US Billboard Hot 100 Glee-versjon med Jane Lynch |
89 |
Kjelder
[endre | endre wikiteksten]- Denne artikkelen bygger på «Physical (song)» frå Wikipedia på engelsk, den 26. august 2014.
- Wikipedia på engelsk oppgav desse kjeldene:
- ↑ Juke Magazine, 13. mars 1982.
- ↑ «American single salstrofé – Olivia Newton-John – Physical». Recording Industry Association of America. If necessary, click Advanced, then click Format, then select Single, then click SEARCH
- ↑ «The 50 Sexiest Songs Of All Time Page 5». Billboard. Henta 13. mai 2014.
- ↑ Video på YouTube
- ↑ Wilkening, Matthew (11 September 2010). «100 Worst Songs Ever -- Part Four of Five». AOL Radio. Henta 23 December 2010.
Bakgrunnsstoff
[endre | endre wikiteksten]- Songar frå 1981
- Singlar frå 1981
- Songar på toppen av Billboard-lista
- Nummer-ein-singlar på European Hot 100 Singles
- Nummer-ein-singlar i Australia
- Nummer-ein-singlar i New Zealand
- Nummer-ein-singlar i Sveits
- Nummer-ein-singlar i Canada
- Olivia Newton-John-songar
- Songar skrivne av Steve Kipner
- Songar om seksualitet
- Songar produserte av John Farrar
- Kylie Minogue-songar
- Sophie Ellis-Bextor-songar