VM i fotball 1962

Frå Wikipedia – det frie oppslagsverket
Hopp til navigering Hopp til søk

Verdsmeisterskapen i fotball 1962 vart avvikla i Chile i tida 30. mai til 17. juni 1962. Kampane fann stad på fire ulike arenaer i fire ulike byar; Arica, Rancagua, Santiago og Viña del Mar. Brasil vart verdsmeister etter å ha slått Tsjekkoslovakia 3-1 i finalen. Seks spelarar skåra fire mål i turneringa og vart toppskårar, mellom dei verdsmeistrane Garrincha og Vavá.

Turneringsformatet var det same som i 1958. Dei 16 deltakarlanda vart delt på fire innleiingsgrupper, og dei to beste laga i gruppene gjekk vidare til kvartfinalane. Brasil, Sovjetunionen, Ungarn og Vest-Tyskland vart gruppevinnarar og fekk fylgje av Chile, England, Jugoslavia og Tsjekkoslovakia.

Brasiliansk frimerke til minne om VM-sigeren 1962

I kvartfinalane vann Chile over Sovjetunionen, Brasil over England, Tsjekkoslovakia over Ungarn, samt Jugoslavaia over Vest-Tyskland. Semifinalane vart spela dagen etter kvartfinalane og enda med tomålsigrar til Brasil og Tsjekkoslovakia over høvesvis Chile og Jugoslovia. Vertsnasjonen Chile vann så bronsemadaljane etter 1-0 mot Jugoslavia.

Gruppespel[endre | endre wikiteksten]

Gruppe A[endre | endre wikiteksten]

# Lag K S U T Mål ± P
1 Det sovjetiske flagget Sovjetunionen 3 2 1 0 8–5 3 5
2 Flagget til Jugoslavia Jugoslavia 3 2 0 1 8–3 5 4
3 Flagget til Uruguay Uruguay 3 1 0 2 4–6 −2 2
4 Flagget til Colombia Colombia 3 0 1 2 5–11 −6 1

Gruppe B[endre | endre wikiteksten]

# Lag K S U T Mål ± P
1 Flagget til Vest-Tyskland Vest-Tyskland 3 2 1 0 4–1 3 5
2 Flagget til Chile Chile 3 2 0 1 5–3 2 4
3 Flagget til Italia Italia 3 1 1 1 3–2 1 2
4 Flagget til Sveits Sveits 3 0 0 3 2–8 −6 0

Gruppe C[endre | endre wikiteksten]

# Lag K S U T Mål ± P
1 Flagget til Brasil Brasil 3 2 1 0 4–1 3 5
2 Flagget til Tsjekkoslovakia Tsjekkoslovakia 3 1 1 1 2–3 −1 3
3 Flagget til Mexico Mexico 3 1 0 2 3–4 −1 2
4 Flagget til Spania Spania 3 1 0 2 2–3 −1 2

Gruppe D[endre | endre wikiteksten]

# Lag K S U T Mål ± P
1 Flagget til Ungarn Ungarn 3 2 1 0 8–2 6 5
2 Flagget til England England 3 1 1 1 4–3 1 3
3 Flagget til Argentina Argentina 3 1 1 1 2–3 −1 3
4 Flagget til Bulgaria Bulgaria 3 0 1 2 1–7 −6 1

Finalen[endre | endre wikiteksten]

Finalen var spelt på Estadio Nacional i Santiago. Tsjekkoslovakia tok leiinga ved Josef Masopust etter 15 minuttar, men allereie to minuttar seinare utlikna Amarildo Tavares for Brasil. Midtvegs i andre omgang gav Zito Brasil leiinga og ni minuttar etter sikra Vavá sigeren med Brasils tredje mål i kampen. Det var andre gongen eit land lukkast forsvare VM-tittelen.

Brasil sitt vinnarlag bestod av: Gylmar dos Santos Neves, Djalma Santos, Mauro Ramos, Zózimo Alves, Nílton Santos, Zito, Didi, Garrincha, Vavá, Amarildo Tavares og Mario Zagallo.

Kjelder[endre | endre wikiteksten]