Ávjovárri valkrins

Ávjovárri valkrins (nordsamisk: Ávjovári válgabiire, bokmål: Ávjovárri valgkrets) er ein valkrins ved Sametingsvala i Noreg frå og med valet i 2009. Krinsen vert også kalla valkrins 2. Stemmerett i krinsen har dei som er busette der og er innførde i manntalet til Sametingsvalet. I 2005 var det 3 521 personar som var registrerte i manntalet i området.

Krinsen femner kommunane Karasjok, Kautokeino og Porsanger.

Det skal ved valet i 2009 veljast inn ni sametingsrepresentantar frå krinsen. I Sametingsperioden 2009-2013 skal tinget ha tilsaman 39 representantar.

Krinsordninga ved Sametingsvala vart endra framfor valet i 2009. I staden for dei 13 krinsane ein nytta ved Sametingsvala i 1989, 1993, 1997, 2001 og 2005, er det frå 2009 sju krinsar. Ávjovárri valkrins tilsvarar dei to tidlegare krinsane Karasjok valkrins, som tilsvarte Karasjok kommune, og Kautokeino valkrins som tilsvara Kautokeino kommune, i tillegg til Porsanger kommune som tidlegare var del av Porsanger valkrins.

Parti og vallister som stiller til Sametingsvalet i 2009 i Ávjovárri valkrins

Desse partia og vallistene stiller til Sametingsvalet i 2009 i krinsen.

• Árja
• Arbeidarpartiet
• Fastboendes liste
• Flyttsamelista
• Framstegspartiet
• Høgre
• Kristeleg Folkeparti
• Norske Samers Riksforbund
• Samefolkets parti
• Senterpartiet
• Venstre

Bakgrunnsstoff

• FOR 2008-12-19 nr 1480: Forskrift om valg til Sametinget på nettstaden lovdata.no
• Sametingsvalget 2009 – Rundskriv om endringer i valgbestemmelsene i sameloven og forskrift om valg til Sametinget på nettstaden til Den norske regjeringa