Øks

Ei øks er eit reiskap som består av eit øksehovud i metall eller stein og eit skaft, som oftast laga i tre eller plastikk. Øksehovudet har som regel ein skarp egg i den eine enden, mens den andre enden er butt.

Bruk

Ein kan bruka økser til å kløyva eller hogga sund ulike materiale, særleg tre. Sidan øksa gjev ein ekstra styrke og har ein skarp egg, vert ho også nytta som våpen og har i tidlegare tider vore viktig i krigar. Andre som nyttar ulike former for øks er brannmenn og klatrarar.

Flintsteinøks frå steinalderen.

Historie

Øksa er eit svært gammalt reiskap. Dei eldste øksene som er funne, såkalla handøkser utan skaft, er to millionar år gamle og blei brukt av Homo habilis. I Skandinavia finst økser i mellom anna flint mellom 8000-4000 f.Kr. og økser i kopar og bronse frå tidleg bronsealder (om lag 2000 f.Kr.).

Økstypar

• Bile
• Brannøks
• Flintøks
• Hellebard
• Stridsøka

Bakgrunnsstoff

Commons har multimedia som gjeld: Øks

Denne artikkelen er ei spire. Du kan hjelpe Nynorsk Wikipedia gjennom å utvide han.