Arvidsjaurs kommun

Arvidsjaurs kommun
Kommunevåpenet til Arvidsjaurs kommun
Len	Norrbottens län
Landskap	Lappland
Areal	6 126,32 km²
– Landareal	5 655,97 km²
– Vassareal	470,35 km²
Folketal	6529
Kommunenummer	2505
Kart

Panorama over Arvidsjaur.

Arvidsjaur kommune er ein kommune i Norrbottens län i landskapet Lappland i Sverige. Kommunen har grensar mot nabokommunane Arjeplog, Jokkmokk, Älvsbyn, Piteå, Skellefteå, Norsjö, Malå og Sorsele. Administrasjonssenter i kommunen er Arvidsjaur.

Etymologi

Namnet «Arvidsjaur» har ingenting med mannsnamnet Arvid å gjere, men kjem frå det umesamiske ordet árviesjávrrie, avleidd frå árvies («gavmild» eller «den som gjev mykje») og jávrrie («sjø»), og syner til fisket i den nærliggande innsjøen med same namn. Aruens jäff var i 1607 namnet på den samebyen der Arvidsjaur kyrkje vart bygd.

Samisk språk

Samisk har status som offisielt minoritetsspråk i kommunen og Arvidsjaur inngår i forvaltningsområdet for samisk språk i Sverige.

Administrativ historikk

Sokndanninga i nordlege delar av Sverige var sein; Arvidsjaur sokn vart danna i 1606 ved oppdeling av Piteå sokn. Deretter var det nokre fleire oppdelingar fram til kommunalreformen i 1863, og landskommunen Arvidsjaur vart danna. Kommunen har ikkje blitt slått saman med andre kommunar, men har same grensar som soknet hadde i 1863. Mellom 1895 og 1962 utgjorde Arvidsjaur eit municipalsamhälle.

Geografi

Inlandsbanan i Arvidsjaur.

Arvidsjaur kommune ligg ved Inlandsbanan midt i landskapet Lappland, ca. 110 km sør for Polarsirkelen.

Tettstader

Arvidsjaur kommune hadde tre tettstader (tätorter) i 2005. I tabellen er folketalet per 31. desember 2005.

#	Tettstad	Innbyggjarar
1	Arvidsjaur	4644
2	Glommersträsk	306
3	Moskosel	299

Småstader

Arvidsjaur hadde fire småstader (tätorter) i 2005. I tabellen er folketalet per 31. desember 2005.

#	Småstad	Innbyggjarar
1	Abborträsk	143
2	Lauker	77
3	Auktsjaur	63
4	Järvträsk	51

Næringsliv

Næringslivet i kommunen er dominert av skogsindustrien, turistnæring og av offentleg sektor ved mellom anna Arméns jägerbataljon. Det er 420 føretak som opererer i kommunen.

Dessuten testar ein vinterklimaet til franske, italienske og tyske bilar i kommunen.

Samferdsel

Tårnet ved Arvidsjaur lufthamn.

Frå Arvidsjaur lufthamn går det daglege fly til Stockholm. Inlandsbanan går òg gjennom Arvidsjaur. E45 går gjennom kommunen.

Kjelder

• Denne artikkelen bygger på «Arvidsjaur kommune» frå Wikipedia på bokmål, den 27. juni 2012.
  • Wikipedia på bokmål oppgav desse kjeldene:

Bakgrunnsstoff

Commons har multimedia som gjeld: Arvidsjaurs kommun

• Offisiell nettstad
• Informasjonsportal for Arvidsjaur