Bakka kyrkje
| Bakka kyrkje | |||
| Bakka kyrkje | |||
 | |||
| Land |  Noreg
| ||
|---|---|---|---|
| Fylke | Vestland | ||
| Kommune | Aurland | ||
| Kyrkjesamfunn | Den norske kyrkja | ||
| Bispedøme | Bjørgvin | ||
| Prosti | Sogn | ||
| Sokn | Nærøy | ||
| Fellesråd | Aurland | ||
| Stad | Bakka | ||
| Type | Langkyrkje | ||
| Arkitekt | Chr. H. Grosch[1] | ||
| Material | Tre | ||
| Innvigd | 11. mai 1859[1] | ||
| Kyrkjegard | Ved kyrkja | ||
| Sitjeplassar | 200[1] | ||
 Bakka kyrkje 60°55′03″N 6°52′13″E / 60.9175°N 6.8702°E | |||
| Wikimedia Commons: Bakka kyrkje | |||
Bakka kyrkje står i grenda Bakka ved Nærøyfjorden, i Aurland kommune i Vestland.[1]
Kyrkja er soknekyrkje i Nærøy sokn i Sogn prosti og er ei trekyrkje frå 1859.[1] Fram til prestegjelda vart fasa ut frå 2004 låg kyrkja i Aurland prestegjeld.
Bygget er teikna av Christian Heinrich Grosch og er lite endra sidan ho var ny.[1] Dette er den fyrste kyrkja på staden og ho vart sett opp på Bakka fordi det var midt i soknet. Før ho vart bygd sokna folket ved Nærøyfjorden og i Nærøydalen til Undredal stavkyrkje i Undredal ved Aurlandsfjorden.
Altartavla frå 1907 er måla av Nils Bergslien og har ramme skoren av Magnus Dagestad. Ho viser Jesus i Getsemane.[1]
Nærøy sokn er eit av dei minste i folketal, og det er såleis ikkje så mange som soknar til kyrkja. På den andre sida er kyrkja truleg mellom dei mest fotograferte i landet, der ho ligg så lageleg plassert for dei mange med fotoapparat om bord på turistbåtane som fer på Nærøyfjorden.
Galleri[endre | endre wikiteksten]
-
Bakka.Foto: Christopher Macsurak -
Sett utetter fjorden -
Sett frå fjorden
Sjå òg[endre | endre wikiteksten]
Kjelder[endre | endre wikiteksten]
- Djupedal, Torkjell; Vengen, Sigurd; Gjerde, Anders. «Bakka kyrkje». Kulturhistorisk leksikon. Fylkesarkivet i Vestland. Henta 24. juni 2021.
- «Kyrkjene i Nærøyfjorden» hjå NRK Sogn og Fjordane Fylkesleksikon
- Sigurd Muri: Norske kyrkjer. Det Norske Samlaget. Oslo 1971
Fotnotar[endre | endre wikiteksten]
Bakgrunnsstoff[endre | endre wikiteksten]
- Om Bakka kyrkjelyd på nettstaden til Den norske kyrkja
- «Kirkebøker, Sogn og Fjordane» på nettstaden til Arkivverket
- Eldre fotografi av Bakka kyrkje på nettstaden til Nasjonabiblioteket
- Fotografi av Bakka kyrkje teke av Knud Knudsen i sist halvdel av 1880-åra
- Kart frå 1979 som viser kyrkjestader og soknegrenser, på nettstaden til Universitetet i Bergen
- Bakka kyrkje i kulturminnesok.no, nettstaden til Riksantikvaren
- «Bakka kyrkje». Kirkesøk. Den norske kyrkja.
