Shimon Peres

Shimon Peres

Nobels fredspris
1994

Shimon Peres (hebraisk: שִׁמְעוֹן פֶּרֶס, fødd 21. august 1923) er ein israelsk politikar som har fått Nobels fredspris. Han har sidan 15. juli 2007 vore president i Israel. Peres blei fødd som Shimon Perski i Wiszniew i dåverande Polen (no Visjniev i Kviterussland). Familien flytta til Tel Aviv i Israel i 1934. Han gifta seg med Sonya Gelman og dei har tre ungar. Peres er søskenbarn til skodespelaren Lauren Bacall (fødd Betty Joan Perske).

Peres var sosialdemokrat, og langvarig medlem av det israelske arbeidarpartiet Avoda. Han gjekk i årsskiftet 2005–2006 ut av arbeidarpartiet og over til det nye sentrumspartiet Kadima. Han var israelsk statsminister frå 1984 til 1986 og igjen frå 1995 til 1996 etter mordet på Yitzhak Rabin. Han har òg vore visestatsminster, utanriksminister i fleire periodar og ein av 25 visepresidentar for Sosialistinternasjonalen. Peres var presidentkandidat i 2000, men tapte då for Moshe Katsav.

Peres fekk Nobels fredspris i 1994, saman med Yassir Arafat og Yitzhak Rabin for «arbeidet deira med å skape fred i Midtausten». I 1997 grunnla han Peres fredssenter.

Bakgrunnsstoff

Commons har multimedia som gjeld: Shimon Peres

Føregjengar Moshe Katsav

President i Israel 2007–

Etterfylgjar —

Føregjengar Yitzhak Shamir

Statsminister i Israel 1984–1986

Etterfylgjar Yitzhak Shamir

Føregjengar Yitzhak Rabin

Statsminister i Israel 1995–1996

Etterfylgjar Benjamin Netanyahu

Føregjengar Yitzhak Rabin

Partileiar i Avoda 1995–1996

Etterfylgjar Ehud Barak

Føregjengar Amram Mitzna

Partileiar i Avoda 2003–2005

Etterfylgjar Amir Peretz

Denne samfunnsartikkelen er ei spire. Du kan hjelpe Nynorsk Wikipedia gjennom å utvide han.