Songen Autobahn
| Autobahn Singel av Kraftwerk frå albumet Autobahn | ||
| B-side |
«Morgenspaziergang» (Tyskland) | |
|---|---|---|
| Utgjeve | Mai 1975 | |
| Innspelt | 1974 | |
| Sjanger | Elektronisk musikk, krautrock, progressiv rock | |
| Lengd | 3:28 (singel) 3:06 (britisk singel) 22:43 (albumversjon) | |
| Selskap | Philips 6003438 Vertigo 6147 012 | |
| Produsent | Kraftwerk, Conny Plank | |
| Kraftwerk-kronologi | ||
| «Comet Melody 2» (1974) |
Autobahn | «Radioactivity» (1976)
|
«Autobahn» er ein song av det tyske electronicabandet Kraftwerk, skriven av Ralf Hütter og Florian Schneider i bandet, medan Emil Schult hjelpte til med teksten. Songen er produsert i lag med Conny Plank og var den første songen til bandet med tekst. Songen vart skriven for å fange kjensla av å køyre på ein motorveg.
Tekst[endre | endre wikiteksten]
Teksten til songen er på tysk og hovudrefrenget er «Wir fahren fahren fahren auf der Autobahn» («Me køyrer køyrer køyrer på Autobahn»). Refrenget vart ofte mistolka som «Fun fun fun on the Autobahn.» Wolfgang Flür kommenterte seinare: «Nei! Nokon fortalte meg dette og at måten me på tysk seier, 'Fahren,' som tyder å køyre, høyres ut som det engelske ordet, 'fun.' 'Fahren fahren fahren,' 'fun fun fun.' Det er feil. Men det fungerer. Me hadde ikkje noko fartsgrense på autobahn, me kunne køyre så fort me ville, gjennom Alpane, så ja, fahren fahren fahren, fun fun fun. Men det har ikkje noko med the Beach Boys å gjere! Med brukte å køyre mykje, med lytta til lyden av køyringa, vinden, passerande bilar og lastebilar, regnet, heile tida endrar lydane seg rundt deg og ideen var å gjenskape desse lydane på synth."[1]
Ralf Hütter sa derimot at The Beach Boys var ei inspirasjonskjelde for bandet og verka meir open mot tolkinga om refrenget som ei hyllest til Beach Boys-songen, «Fun, Fun, Fun».
I motsetnad til mange av dei andre mest populære songane til bandet, vart ikkje denne gjeven ut på noko anna språk.
Komposisjon[endre | endre wikiteksten]
Instrumenta nytta på songen var for 1974 særs innovative og er kjend for den store innverknaden det fekk på mange seinare sjangrar innan elektronisk popmusikk og dansemusikk. I arrangementet vart det mellom anna nytta:
- Elektroniske perkusjonsputer, spelt av Wolfgang Flür.
- Bruk av den klassiske 'Moog bass'-lyden for å spele basslinja, der det vert spelt eit oktavriff med analogt ekko på.
- Libera bruk av faseregulering på synthen for å spele akkordar.
- Bruk av vocoder for å handsame noko av vokalen.
- Bruk av såkalla 'motorik'-rytme i 4/4-takt i den siste delen av songen.
Arrangementet nytta seg òg av akustiske element som gitar og fløyte.
Bandet har halde fram å spele denne songen på konsertane sine gjennom heile karrieren. Konsertversjonane har utvikla seg kontinuerleg etter kvart som bandet har tilpassa han nye instrument og utstyr på scenen.
Utgjevingar[endre | endre wikiteksten]
Ein versjon av songen på over 22 minuttar vart spelt inn som tittelsporet på albumet Autobahn. Denne vart redigert ned til berre 4 minuttar og gjeve ut som singel, og han vart ein uventa hit i USA og mange andre land. Dette var den første hitten deira i karrieren. Ein anna versjon på 3 minuttar og 27 sekund, kom ut i Storbritannia og nådde 11. pass der. Denne kom seinare ut på den britiske samleplata Exceller 8. Songen nådde òg 12. plass i Canada og Nederland.
Lister[endre | endre wikiteksten]
| Liste (1975) | Plassering |
|---|---|
| Canada | 12 |
| Tyskland | 9 |
| Irland | 20 |
| Storbritannia | 11 |
| U.S. Billboard Hot 100 | 25 |
Andre versjonar[endre | endre wikiteksten]
- Det nederlandske death metal-bandet Gorefest har spelt songen.
- Latinobandet Señor Coconut lagde eit merenguearrangement av songen for albumet med exotica-aktige versjonar av Kraftwerk-songar kalla El Baile Alemán.
- Balanescu Quartet laga ein versjon av songen for strykekvartet i 1992 for albumet Possessed.
- Rick Moranis laga ein parodiversjon av Autobahn på ei plate tidleg i 1980-åra.
- Det kanadiske bandet Shadowy Men on a Shadowy Planet har spelt songen.
- Samurai & Hardbartle spelte inn songen i 1990.
Kjelder[endre | endre wikiteksten]
- Denne artikkelen bygger på «Songen Autobahn» frå Wikipedia på engelsk, den 24. mars 2013.
- Wikipedia på engelsk oppgav desse kjeldene:
- ↑ Thompson, Dave. «Autobahn». Allmusic. Rovi Corporation. Henta 24. mars 2013.