Up on Cripple Creek
| Up on Cripple Creek Singel av The Band frå albumet The Band | ||
| A-side | ||
|---|---|---|
| Utgjeve | 29. november 1969 | |
| Innspelt | 1969 | |
| Sjanger | Rootsrock, americana | |
| Lengd | 4:34 (album) 3:10 (singel) | |
| Selskap | Capitol | |
| Låtskrivar(ar) | Robbie Robertson | |
| Produsent | John Simon | |
| The Band-kronologi | ||
| «The Weight» (1968) |
Up on Cripple Creek | «The Night They Drove Old Dixie Down» (1969)
|
«Up on Cripple Creek» er den femte songen på The Band-albumet The Band frå 1969. Han vart gjeven ut som singel i november 1969 og nådde 25. plass på den amerikanske singellista.[1] Songen ser ut til å syne til Cripple Creek i Colorado, som har vore knytt til gruvedrift sidan gullrushet i 1890-åra. «Up on Cripple Creek» vart skriven av Band-gitaristen Robbie Robertson, med trommeslagar Levon Helm på solovokal.
Det finst konsertutgåver av «Up on Cripple Creek» på konsertfilmen The Last Waltz og det tilhøyrande filmmusikkalbumet, i tillegg til Before the Flood, eit konsertalbum i lag med Bob Dylan frå 1974.
«Up on Cripple Creek» er kjend for ein av dei første songane der ein Hohner Clavinet vert spelt med ein wah-wah-pedal. Riffet kan høyrast etter refrenget i songen. Clavineten, særleg med wah-pedal, vart mykje nytta i funkmusikk utover i 70-åra, og er framleis populær i dag.
Teksten[endre | endre wikiteksten]
Teksten omhandlar tre av favorittemaa til The Band, Sørstatane, amerikansk folkemusikk og alkoholisme, og fortel soga om ein gruvearbeidar som reiser til Lake Charles i Louisiana for å møte ei lokal jente, medan han bruker pengane sine på drinkar.
Medverkande[endre | endre wikiteksten]
- Rick Danko- Bassgitar, korvokal
- Levon Helm- Solovokal, trommer
- Garth Hudson- Clavinet med wah-wah pedal, Lowrey orgel
- Richard Manuel- Piano, korvokal
- Robbie Robertson- Elektrisk gitar
Salslister[endre | endre wikiteksten]
| Liste (1969-70) | Plassering |
|---|---|
| Canadiske RPM Singles-lista | 10 |
| U.S. Billboard Hot 100 | 25 |
Andre versjonar[endre | endre wikiteksten]
- The Oak Ridge Boys på albumet Bobbie Sue
- Tom Wopat på The Dukes of Hazzard-soundtracket frå 1979
- Dave Matthews & Friends spelte songen mykje på konsertar
- David Allan Coe skal ha spelt songen
- The Gourds spelte over songen under eit mellomspel av «Gin and Juice» av Snoop Dogg
- Gomez spelte songen på hyllestalbumet Endless Highway: The Music of The Band
- Keisuke Kuwata spelte songen med Southern All Stars i ein medley med «Dixie Chicken» og «Sweet Home Alabama»
Kjelder[endre | endre wikiteksten]
- Denne artikkelen bygger på «Up on Cripple Creek» frå Wikipedia på engelsk, den 23. januar 2011.
- Wikipedia på engelsk oppgav desse kjeldene:
Bakgrunnsstoff[endre | endre wikiteksten]