Vest-Makedonía

Vest-Makedonía Δυτική Μακεδονία
Land:	Hellas
Hovudstad:	Kozáni
Periferieiningar:	Kozáni Grevená Kastoriá Flórina
Folketal:	283 689 (2011)
Areal:	9 451 km²
Folketettleik:	30 /km²
Heimeside:	www.pdm.gov.gr

Vest-Makedonía (gresk Δυτική Μακεδονία, Dytikí Makedonía) er ein av tretten periferiar i Hellas. Han omfattar dei tidlegare prefektura Kozáni, Grevená, Kastoriá og Flórina.

Geografi

Periferien ligg nordvest i landet og grensar til periferiane Sentral-Makedonía i aust, Thessalía i sør, Ípiros i vest, i tillegg til Republikken Makedonia og Albania i nord. Mykje av Vest-Makedonía er fjellendt, noko ein òg ser i fordelinga av folkesetnaden, som er oppunder 300 000 innbyggjarar. Dei fleste innbyggjarane bur i jordbruksområda.

Periferieiningar og kommunar

Etter den administrative reforma i 2010 er periferien Vest-Makedonía delt inn i fire periferieiningar som omfattar 12 kommunar.

Periferieining	Innbyggjarar	Kommunar
Kozáni	150 196	Kozáni, Eordéa, Vóio, Sérvia-Velvendós
Grevená	31 757	Deskáti, Grevená
Kastoriá	50 322	Nestório, Orestída, Kastoriá
Flórina	51 414	Préspes, Flórina, Amýndeo

██  Periferieininga Kozáni ██  Periferieininga Grevená ██  Periferieininga Kastoriá ██  Periferieininga Flórina

	Kommune	Periferieining	Areal	Folketal	Hovudsete
1	Kozáni	Kozáni	1 072,3	71 388	Kozáni
2	Eordéa	Kozáni	707,9	45 592	Ptolemaída
3	Vóio	Kozáni	1 021,0	18 386	Siátista
4	Sérvia-Velvendós	Kozáni	732,2	14 830	Sérvia
5	Deskáti	Grevená	421,2	5 852	Deskáti
6	Grevená	Grevená	1 859,9	25 905	Grevená
7	Nestório	Kastoriá	618,5	2 646	Nestório
8	Orestída	Kastoriá	349,3	11 802	Árgos Orestikó
9	Kastoriá	Kastoriá	755,0	35 874	Kastoriá
10	Préspes	Flórina	504,2	1 560	Lemós
11	Flórina	Flórina	827,6	32 881	Flórina
12	Amýndeo	Flórina	599,6	16 973	Amýndeo

Byar og tettstader

Hovudstaden Kozáni har 41 066 innbyggjarar. Andre byar er Ptolemaída (32 127), Flórina (17 686), Kastoriá (13 387) og Grevená (13 137).

Periferibygningen til Vest-Makedonía i Kozáni.

Vest-Makedonía. Brua over reservoaret Polýfytos ved elva Aliákmonas i Kozáni.

Økonomi

70 % av straumproduksjonen i landet vert produsert i Vest-Makedonía, og i tillegg er gruvedrift ei viktig næring. Dei siste åra har turisme vorte viktigare, særleg om vinteren. Vest-Makedonía er den einaste greske periferien utan kyst, men han har mange innsjøar, fjell, vakre landsbyar og to store skisenter i Flórina (Vígla) og Grevená (Vasilítsa).

Galleri

• 

  Kozáni

• 

  Flórina

• 

  Kastoriá - Orestiádasjøen

• 

  Klokketårnet Ájos Nikólaos i Kozáni

• 

  Kozáni - Det naturhistoriske museumet

• 

  Sletta og byen Flórina

Kjelde

• Denne artikkelen er basert på ei omsetjing av artikkelen West Macedonia frå Engelsk Wikipedia .