Afikim

Frå Wikipedia – det frie oppslagsverket
Afikim
kibbutz
Land  Israel
Region Jordandalen
Distrikt Nord distrikt
Kommune Emek HaYarden regionale kommune
Koordinatar 32°40′46.56″N 35°34′40.08″E
Folketal 1 427  (2011)[1]
Grunnlagd 1932
 - Grunnlagd av Russiske medlemmar av Hashomer Hatzair
Tilhøyrsle Kibbutzrørsla
Kart
Afikim
32°40′47″ N 35°34′40″ E
Wikimedia Commons: Afikim

Afikim (hebraisk אֲפִיקִים) er ein israelsk kibbutz knytt til Kibbutzrørsla i Jordandalen, 3 km frå Genesaretsjøen. Han høyrer til Emek HaYarden regionale kommune. I 2011 hadde han eit folketal på 1 427.[1]

Namn[endre | endre wikiteksten]

Namnet Afikim tyder «elveleie» og syner til Jordanelva og sideelva hennar, Yarmukelva.

Historie[endre | endre wikiteksten]

Barnepleiar med kibbutzbarn i barneheimen. (1960-åra)

Russiske jødar som høyrte til Hashomer Hatzair-rørsla organiserte seg i 1924 og slo seg ned i området kring Wazia i Øvre Galilea. I 1932 flytta gruppa til den noverande plasseringa på eit landområde som høyrte til Degania Bet, og fleire grupper av sioniste sosialdemokratiske, europeiske jødar kom til etter kvart. Under den arabisk-israelske krigen i 1948 vart Afikim råka av mange bomber frå syriske og irakiske styrkar,[2] og var ein skanse for Palmach. Sidan vart han eit senter for trening av soldatbønder i Nahal. Under delinga av rørsla kibbutz Meuhad vart ikkje Afikim, i motsetnad til mange andre kibbutzar, delt i to landsbyar. Han vart i staden heller med den Mapai-tilknytte delen som sidan grunnla Ihud kibbutzar. I 1977 tok Afikim i mot 66 flyktningar frå Vietnam. I 2011 tok kibbutzen i mot 100 nye medlemmar.[3]

Økonomi[endre | endre wikiteksten]

Afikim meieri

Afikim dyrkar i dag bananar, daddelpalmer, subtropiske planter og korn. Her vert det òg drive akvakultur og meieridrift. Kibbutzen har 400 kyr.[3] Han driv SAE Afikim, eit meierselskap, og Afikim Electric Mobilizers,[4] ein produsent av elektriske kjerrer.

Det første elektroniske mjølkemålaren, som måler kor mange liter ei ku har produsert, vart funnen opp i Afikim. Andre oppfinningar herfrå er eit pedometer som måler kor mange steg ei ku har teke, slik at ein kan finne den rette tida for inseminasjon.[3]

Kjelder[endre | endre wikiteksten]

  1. 1,0 1,1 «Locality File». Israelsk statistisk sentralbyrå. 2011. Arkivert frå originalen (XLS) 23. september 2013. Henta 9. oktober 2014. 
  2. Jewish National Fund (1949). Jewish Villages in Israel. Jerusalem: Hamadpis Liphshitz Press. s. 191. 
  3. 3,0 3,1 3,2 Ben, Coby (17. juni 2011). «The secret of Israel's Milky Way». Haaretz.com. Henta 22. februar 2015. 
  4. «Afikim Mobility scooters». Afiscooters.com. Henta 22. februar 2015.