Hans-Jörg Butt

Hans-Jörg Butt

Personleg informasjon
Fødd	28. mai 1974
Fødestad	Oldenburg
Høgd	191 cm
Posisjon	Keeper
Klubbinformasjon
Noverande lag	Bayern München
Nummer	1
Ungdomsklubbar
	Großenkneten
Seniorkarriere*
År	Lag	Kampar (Mål)
1994-97 1997-2001 2001-07 2007-08 2008-12	Oldenburg Hamburg Bayer Leverkusen Benfica Bayern München	87 (5) 133 (19) 191 (7) 1 (0) 63 (0)
Landslag
2000-10	Tyskland	4 (0)
* Seniorklubbkampar og mål berre telt for nasjonal liga og oppdatert 1. august 2026 ‡ Landslagsmål oppdatert 10. juli 2010

Hans-Jörg Butt (fødd 28. mai 1974 i Oldenburg i Niedersachsen) er ein tysk tidlegare fotballspelar som gjorde teneste i Hamburger SV, Bayer Leverkusen og Bayern München. Målvakta representerte Tyskland i 4 landskampar i tida 2000-10.

Klubbspel

Butt spelte frå 1994 i tysk regionalliga for VfL Oldenburg. Deretter var han målvakt for Hamburger SV i fire år. Perioden 2001-07 var han aktiv i Bayer Lerverkusen. I sin fyrste sesong med Bayer kom laget på andreplass i bundesliga og det tapte finalen om DFB-pokalen mot Schalke 04, og til sist UEFA-meisterligafinalen mot Real Madrid. Etter ein sesong på reservebenken i Benfica, vende Butt i 2008 tilbake til Tyskland og spel for Bayern München. Våren 2010 vart han både ligameiser og BFB-pokalvinnar med laget frå München. Derimot enda han same våren opp som tapar i UEFA-meisterligaen for andre gong, ettersom FC Inter slo FC Bayern med 2-0 i Barcelona. Etter Manuel Neuer skreiv kontrakt med FC Bayern i 2011, sat Butt på benken til han la opp i 2012. Med 26 skåringar på straffespark, er Butt den mest treffsikre målvakta i bundesliga. Han spelte 387 kampar i øvste bundeliga.

Landslagsspel

Butt debuterte for Tyskland 7. juni 2000 i ein landskamp mot Liechtenstein. Han var med i troppa til fotball-EM same året og til fotball-VM i 2002. Begge gongane var han tredjeval i mål, etter Oliver Kahn og Jens Lehmann, kom såleis ikkje i spel. I sin 4. og siste landskamp, sju år etter den førre, vakta Butt Tysklands målbur då det vart siger 3-2 over Uruguay i bronsefinalen under Fotball-VM 2010 i Sør-Afrika.

Merittar

• VM-bronse: 2010 for Vest-Tyskland
• Vinnar av Bundesliga: 2010 for Bayern München
• Vinnar av DFB-pokalen: 2010 for Bayern München
• Finalist i UEFA-meisterligaen: 2002 for Bayer Lverkusen og 2010 for Bayern München

Kjelder

• Denne artikkelen bygger på «Hans-Jörg Butt» frå Wikipedia på tysk, den 31. juli 2026.

• eu-football