Herøy kyrkje på Sunnmøre
| Herøy kyrkje | |||
| kyrkje | |||
 | |||
| Kyrkjesamfunn | Den norske kyrkja | ||
|---|---|---|---|
| Bispedøme | Møre | ||
| Prosti | Søre Sunnmøre | ||
| Sokn | Herøy | ||
| Fellesråd | Herøy | ||
| Arkitekt | Kine Tambs og Hans Petter Madsø i arkitektfirmaet Madsø-Sveen i Trondheim | ||
| Innvigd | 2003 | ||
| Orgel | Jehmlich Orgelbau (2003) | ||
| Sitjeplassar | 700 | ||
 Herøy kyrkje 62°20′07″N 5°38′11″E / 62.33535°N 5.63631944°E | |||
| Wikimedia Commons: Herøy kirke, Herøy | |||
Herøy kyrkje er ei arbeidskyrkje i Fosnavåg i Herøy kommune i Møre og Romsdal.
Kyrkja har 700 sitjeplassar og vart innvigd av biskop Odd Bondevik 16. februar 2003.
Historie
[endre | endre wikiteksten]Den første kyrkja i området vart bygd på øya Herøy i tidleg mellomalder. Dette var ei lita steinkyrkje som var hovudkyrkje for heile ytre Sunnmøre. Kyrkja vart riven i 1859 og avløyst av ei trekyrkje. I 1916 vart soknet delt, og kyrkja vart riven. Herøy hovudkyrkje vart så bygd i Skaret i Fosnavåg, medan Indre Herøy kyrkje vart bygd i Stoksund. Herøy hovudkirke brann ned natt til andre juledag 1998. Mange kunstverk frå mellomalderen gjekk tapt i brannen.
-
Den gamle kyrkjegarden på Herøya, der dei to første kyrkjene stod.Foto: Jan-Tore Egge -
Kyrkje nr. 2Foto: Kulturminnebilder
Dagens kyrkje
[endre | endre wikiteksten]Dagens kyrkje vart innvigd i 2003. Kyrkja har 700 sitjeplassar når ein reknar med alle forsamlingsrom, og er på til saman 2300 kvadratmeter, fordelt over to etasjar. Kyrkjekontoret for Herøy sokn ligg òg i kyrkja.
Utsmykking
[endre | endre wikiteksten]Kunsten i kyrkja er laga av Per Odd Aarrestad. Han kallar midtgangen i kyrkja for «mennesket sin livsakse». I midtgangen er det sju relieff som skal symbolisere vegen til Gud. Altarutsmykkinga er 18 meter høg og vert kalla «himmelaksen». Ho skal peike mot Gud. Altarskapet er skore i tre og har to motiv. Ope viser det Kristussymbola XP og krone samt symbol knytt til Bibel og sakrament. Attlate viser det den lidande Kristus. Over altaret heng ein kross i laminert glas og speglar. Det er òg fleire glasmåleri på ulike veggar i kyrkja.
Altar, døypefont og preikestol
[endre | endre wikiteksten]Altaret, døypefonten og preikestolen vart teikna av Aslaug Øyehaug og Benedikte Holmberg . På altaret ligg ein stilisert altarduk i stål. Duken har ein bord av ulike kristne krossar. Nederst på altaret er det prega krossornament inn i betongen. Døypefonten har eit rom der det ligg en bit av den gamle døypefonten frå 1572, som vart øydelagd i brannen. Døypefonten er prega med ei duevengje. Dåpsfatet er laga i glas av Ine Harrang. Preikestolen har ornamentmotiv av kornaks.
Orgelet
[endre | endre wikiteksten]Orgelet er bygd av Jehmlich Orgelbau frå Dresden i Tyskland og vart vigsla 30. november 2003.
Kjelder
[endre | endre wikiteksten]- Denne artikkelen bygger på «Herøy kirke (Møre og Romsdal)» frå Wikipedia på bokmål, den 21. september 2017.
Bakgrunnsstoff
[endre | endre wikiteksten]- Om Herøy kyrkje – Informasjon om kyrkja hos Herøy kyrkjelyd
- «Herøy kyrkje på Sunnmøre». Kirkesøk. Den norske kyrkja.
- Herøy kyrkje på Sunnmøre i kulturminnesok.no, nettstaden til Riksantikvaren
- Herøy kyrkjelege fellesråd
- Alf Henry Rasmussen (1993). «Herøy kyrkje, Fosnavåg». Våre kirker. Norsk kirkeleksikon. Kirkenær: Vanebo forlag. s. 307. ISBN 82-75-27022-7. [Om den førre kyrkja, som brann i 1998]