La Ronciere-øya
| La Ronciere-øya | |||
| øy | |||
 | |||
| Land |  Russland
| ||
|---|---|---|---|
| Areal | 478 km² | ||
| Folketal | 0 | ||
 La Ronciere-øya 80°58′56″N 60°59′39″E / 80.982222222222°N 60.994166666667°E | |||
La-Ronciere-øya (russisk Остров Ла-Ронсьер, Ostrov La-Ronsier) er ei øy i Frans Josefs land i Russland. Ho vert òg stundom kalla Ronserøya.
La Ronciere-øya har eit areal på 478 km². Ho ligg ved 81° N og 61° E. Det høgaste punktet er 431 meter over havet. Ho er nesten heilt dekt av is bortsett frå to små område på kysten i nordaust og i vest.
La Ronciere-øya ligg nord for Wilczek land og mellom dei ligg eit 8 km breitt sund.
Øya vart namngjeve av den austerrisk-ungarske nordpolekspedisjonen etter kaptein La Ronciere Le Noury, ein fransk kurer for keisar Frans Josef av Austerrike-Ungarn.
På nokre kart står La Ronciere-øya oppført som Whitneyøya etter den amerikanske polfararen Harry Whitney. Namnet vart gjeve under Ziegler-Fiala-ekspedisjonen, men dei austerriksk-ungarske utforskarane namngav øya først.
Nærliggande øyar
[endre | endre wikiteksten]- 6 km sørvest for La Ronciere-øya og 4 km nord for Wilczek land ligg den vesle øya Ostrov Geidzj (Остров Гейдж) eller Geddesøya. Ho er berre om lag 1 km lang og vart kalla opp etter den skotske polarforskaren sir Patrick Geddes. Øya vart òg kalla Haydenøya (Остров Гайдана; Ostrov Gajdana) etter den amerikanske geologen Ferdinand Vandeveer Hayden av Ziegler-Fiala-ekspedisjonen.
Kjelder
[endre | endre wikiteksten]- Denne artikkelen bygger på «La Ronciere Island» frå Wikipedia på engelsk, den 4. august 2008.
- Wikipedia på engelsk oppgav desse kjeldene:
- Plassering
- [1] & Kaptein La Ronciere Le Noury
