Muqeible

Frå Wikipedia – det frie oppslagsverket
Hopp til navigering Hopp til søk
Koordinatar: 32°30′50″N 35°17′41″E
Muqeible
landsby
Land Flag of Israel.svg Israel
Distrikt Nord distrikt
Koordinatar 32°30′50″N 35°17′41″E
Israel location map.svg
Locator Red.svg
Wikimedia Commons: Muqeible

Muqeible eller Muqeibla (arabisk مقيبلة, hebraisk מֻקֵיבִּלָה, som tyder «Frontplassen»,[1] er ein arabisk by i Israel i Nord distrikt, i Jezreeldalen mellom JeninVestbreidda og Ta'anakh-området. Han er ein del av Gilboa regionale kommune. I følgje Israelsk statistisk sentralbyrå hadde Muqeible ein blanda folkesetnad med kring 3 000 muslimar og kristne ved slutten av 2005.[2]

Historie[endre | endre wikiteksten]

I romartida stod ein by kalla «Muqeibleh» på staden. Frå bysantinsk tid er det gjort funn av ein brunn og keramikkverkstad.[3]

I følgje ein lokal innbyggjarar vart landsbybuarane flytta her frå al-Haram-Sidna Ali-området i siste tida av Det osmanske riket.[3] Guérin skreiv på 1800-talet at landsbyen hadde 400 innbyggjarar og mange cisterner.[4] Seinare, i 1882, skildra The Survey of Western Palestine Muqeible som «ein leirsteinslandsby med cisterner.[5]

Under folketeljinga til Det britiske mandatet i 1931 hadde Muqeible 67 busette hus og eit folketal på 244 muslimar og 26 kristne.[6] I 1945 hadde Muqeible 460 innbyggjarar, all klassifisert som arabarar. Dei eigde i alt 2 687 dekar land, medan 4 441 dekar var i offentleg eige.[7]

«Hawsh»[endre | endre wikiteksten]

Midt i landsbyen står ein stor, firkanta bygning, som liknar ein khan, med ein sentral gardsplass, 30 meter per side. På austsida er det ein liten port som fører inn i ein høg iwan. Andrew Petersen, ein arkeolog som spesialiserte seg på islamsk arkitektur, vitja staden i 1994, og noterte at murarbeidet indikerte at han vart bygd seint i osmansk tid eller tidleg i mandatperioden.[3]

Sjå òg[endre | endre wikiteksten]

Kjelder[endre | endre wikiteksten]

  1. Palmer, 1881, s.151
  2. 2005 ICBS Census Israelsk statistisk sentralbyrå (ICBS).
  3. 3,0 3,1 3,2 Petersen, 2001, s. 223
  4. Guérin, 1874, s.327. Òg sitert i Petersen, 2001, s.223
  5. SWP, 1882, II:45, òg sitert i Petersen, 2001, s. 223
  6. E. Mills, red. (1932). Census of Palestine 1931. Population of Villages, Towns and Administrative Areas. Jerusalem: Government of Palestine. s. 69. 
  7. Government of Palestine, Department of Statistics. Village Statistics, April, 1945. Sitert i S. Hadawi, Village Statistics, 1945. PLO Research Sentral, 1970 s.55

Bakgrunnsstoff[endre | endre wikiteksten]