Rasmus Nordbø

Rasmus Nordbø
Statsborgarskap	Noreg
Fødd	5. februar 1915 Førde
Død	23. februar 1983 (68 år) Sem kommune
Yrke	politikar
Politisk parti	Arbeidarpartiet

Rasmus Mathias Nordbø (5. februar 1915–23. februar 1983) var ein norsk landbruksmann og politikar frå Førde i Sunnfjord, landbruksminister i Torp-regjeringa 1951-55.

Nordbø tok eksamen ved landbruksskule i 1934, og ved Noregs landbrukshøgskule i 1939. Åra 1941-45 var han sekretær i Produksjonsdirektoratet. Frå 1945 arbeidde han i Landbruksdepartementet. I tida 1948-51 var han statssekretær i same departementet, då Kristian Fjeld styrte departementet.

Då Oscar Torp vart statsminister i Noreg i november 1951, vart Nordbø utnemnd til statsråd og sjef i Landbruksdepartementet. Torp-regjeringa gjekk av i januar 1955, og Nordbø var sidan å finne som fylkesagronom, fyrst i Sogn og Fjordane i perioden 1955–64, og frå den tid i Vestfold fylke.

Kjelder

• Norsk Allkunnebok. VIII. bandet. 1958
• «Rasmus Nordbø». Stortinget.no.