Oskar Øksnes

Frå Wikipedia – det frie oppslagsverket
Hopp til navigering Hopp til søk
Oskar Øksnes
Fødd11. april 1921
Steinkjer
Død27. mars 1999 (77 år)
Statsborgar avNoreg
PartiArbeidarpartiet
Yrkepolitikar

Oskar Ingemann Øksnes (fødd 11. april 1921 i Kvam i Nord-Trøndelag, død 27. mars 1999) var ein norsk politikar frå Arbeidarpartiet.

Landbruksminister[endre | endre wikiteksten]

Oskar Øksnes var statsråd og sjef for landbruksdepartementet (landbruksminister) i Odvar Nordli si regjering 25. januar 1976 - 4. februar 1981, og deretter i regjeringa Brundtland I 4. februar til 14. oktober 1981.

Øksnes-utvalet[endre | endre wikiteksten]

Øksnes vart i 1972 leiar for Øksnes-utvalet som som i 1974 kom med utgreiinga «Støtteordninger i jordbruket», som danna mykje av grunnlaget for det såkalla jamstillingsvedtaket som Stortinget vedtok i 1975: Å jamstille bøndenes sine inntekter med gjennomsnittleg industriarbeidarløn. I 1976 vart Oskar Øksnes landbruksminister. Dermed fekk han ansvaret for å gjennomføre jamstillingsvedtaket.

Utdanning og karriere[endre | endre wikiteksten]

Øksnes var utdanna sivilagronom frå Norges Landbrukshøgskole og arbeidde som driftsagronom i Nord-Trøndelag frå 1948 til 1955. Han hadde òg eit spesialoppdrag i Landbruksdepartementet i 1952–1953. Seinare vart han fylkesagronom i Nord-Trøndelag fram til 1963, før han flytta til Molde og vart fylkeslandbrukssjef i Møre og Romsdal. Han var statssekretær i Landbruksdepartementet i perioden 1964–1965. Han vart fylkeslandbrukssjef i Nord-Trøndelag i 1975 – ei stilling han hadde fram til 1986, avbrote av perioden som landbruksminister i åra 1976-1981.

Heider[endre | endre wikiteksten]

Øksnes vart i 1987 slått til Riddar av 1. klasse av St. Olavs Orden.

Kjelder[endre | endre wikiteksten]