Olav Meisdalshagen

Olav Meisdalshagen
	Olav Meisdalshagen
	; Olav Meisdalshagen i 1946 Foto: Ørnelund, Leif / Oslo Museum
Fødd	17. mars 1903; Nord-Aurdal kommune
Død	21. november 1959 (56 år)
Statsborgar av	Noreg
Parti	Arbeidarpartiet
Yrke	politikar, advokat
Utdanna ved	Universitetet i Oslo
Alle verv	Norsk finansminister (1947–1951); Norsk landbruksminister (1955–1956); stortingsrepresentant (1937–1945); vararepresentant til Stortinget (1934–1936); stortingsrepresentant (1945–1950); stortingsrepresentant (1950–1954); stortingsrepresentant (1954–1958); stortingsrepresentant (1958–1959) ;

Olav Meisdalshagen (17. mars 1903–21. november 1959) var ein norsk politikar frå Arbeidarpartiet fødd i Nord-Aurdal i Oppland. Han var stortingsrepresentant for Oppland fylke frå 1937 til han døydde. I to regjeringar var han statsråd, fyrst finansminister (1947-51) i Gerhardsen si andre regjering, og så landbruksminister (1955-56) i Gerhardsen si tredje regjering.

Liv og gjerning

Meisdalshagen gjekk Voss Landsgymnas, som den gong var 2-årig. Ei tid arbeidde han som journalist, før han avla eksamen til cand. jur. ved universitetet i Oslo i 1932.^[1] Frå 1931 til 1940 var han med i heradsstyret i Nord-Aurdal.^[2]

Han var overrettssakførar på Fagernes frå 1935 til 1937. I denne tida arbeidde han mykje som gjeldsmeklingsmann i Lånekassa for jordbrukarar. Han var formann i Driftskredittkassa for jordbruket 1936 til 1940, og på ny 1945-47.

Stortingssesjonane for åra 1934-36 var Meisdalshagen vararepresentant til stortinget. Ved stortingsvalet hausten 1936 kom han inn på Stortinget for Oppland Arbeidarparti. Sidan vart han attvald ved alle stortingsval, og sat på Stortinget til han døydde.

Under 2. verdskrigen tok han del i motstandsarbeidet under okkupasjonen som områdesjef for Milorg i Valdres. 1944 flykta han til Sverige, var ei tid i Stockholm, kom seinare over til London.

1946 vart Meisdalshagen formann i den nyoppretta Statens husbank, ein posisjon han hadde til han kom med i regjeringa året etter. Formann på ny då han gjekk ut av regjeringa i 1951.

Meisdalshagen blei finansminister i Einar Gerhardsen si andre regjering mellom 1947 og 1951, etter forslag frå den redaktøren i Arbeiderbladet Martin Tranmæl.^[3]^[4] Då Gerhardsen kom tilbake som statsminister i 1955, blei Meisdalshagen landbruksminister.^[5] Han gjekk av frå dette vervet i 1956. Meisdalshagen var medlem av Arbeidarpartiet sitt sentralstyre frå 1957 til han døydde.

Frå 1952 til 1959 var Meisdalshagen styreformann i Norges Kooperative Landsforening.^[6]

Kjelder

Norsk Allkunnebok. VIII. Bandet. Fonna Forlag, Oslo (1958?)

Fotnotar

↑ Studentene fra 1925. Oslo: Bokkomitéen. 1950. s. 235.
↑ «Olav Meisdalshagen». Stortinget.no.
↑ Gerhardsen, Einar (1971). Samarbeid og strid : erindringer 1945-55. Oslo: Tiden. s. 286. ISBN 8210000012.
↑ Lie, Einar (1995). Ambisjon og tradisjon – Finansdepartementet 1945-1965. Oslo: Universitetsforl. ISBN 8200226220.
↑ Meisdalshagen, Olav (1955). Retningsliner for utbygging av jordbruket. Oslo: Arbeidernes opplysningsforbund.
↑ Wilhelmsen, Kaare (1981). NKL : forbrukereid i 75 år : Norges kooperative landsforening 1906-1981. Oslo: NKL.

Bakgrunnsstoff

Biografi på Stortingets nettside

[1] Studentene fra 1925. Oslo: Bokkomitéen. 1950. s. 235.

[bio-2] «Olav Meisdalshagen». Stortinget.no.

[3] Gerhardsen, Einar (1971). Samarbeid og strid : erindringer 1945-55. Oslo: Tiden. s. 286. ISBN 8210000012.

[4] Lie, Einar (1995). Ambisjon og tradisjon – Finansdepartementet 1945-1965. Oslo: Universitetsforl. ISBN 8200226220.

[5] Meisdalshagen, Olav (1955). Retningsliner for utbygging av jordbruket. Oslo: Arbeidernes opplysningsforbund.

[6] Wilhelmsen, Kaare (1981). NKL : forbrukereid i 75 år : Norges kooperative landsforening 1906-1981. Oslo: NKL.

[1]

[2]

[3]

[4]

[5]

[6]