SS «Statsraad Lehmkuhl»

SS «Statsraad Lehmkuhl» ved kai i Oslo.

SS «Statsraad Lehmkuhl» er Bergen sitt skuleskip. Seglskipet, som er ein tremasta bark, vart bygd i Bremerhaven i 1914 under namnet «Grossherzog Friedrich August» som skuleskip for den tyske handelsflåten. Under den fyrste verdskrigen vart skipet teke av Storbritannia som krigsbytte. Skipet vart i 1921 kjøpt av tidlegare statsråd Kristofer Lehmkuhl. Skipet vart då oppkalla etter Lehmkuhl. Med unnatak av under andre verdskrigen har skipet seinare vore Bergen sitt skuleskip. Skipet vert òg nytta som skuleskip av Sjøkrigsskulen og Befalsskulen for Sjøforsvaret. Sjøforsvaret nyttar skipet til lengre tokt mellom anna til Kanariøyane og Karibia. I dei periodane SS «Statsraad Lehmkuhl» vert nytta av Sjøforsvaret vert skipet gjort om til KNM «Statsraad Lehmkuhl».

Tekniske data

• Bark med tre seglmaster
• Segl: 2 026 kvadratmeter
• Lengd: 98 meter
• Mannskap: 125

Søsterskip

Statsraad Lehmkuhl har tre systerskip:

• Dar Pomorza (Opphavleg Prinzess Eitel Friedrich)
• Duchesse Anne (Opphavleg Großherzogin Elisabeth)
• Schulschiff Deutschland

The Tall Ships Races

«Statsraad Lehmkuhl» har fleire gonger deltatt i The Tall Ships Races, som er ein regatta for store seglskuter. Regattaen var tidlegare kjent som «The Cutty Sark Tall Ships' Races».

Resultat The Tall Ships Races

År	Fra	Til	Plassering
1960	NOR Oslo	BEL Ostende	Gull
1964	POR Lisboa	Bermuda Bermuda	6. plass
1966	UK Falmouth	DEN Skagen	Bronse
1970	UK Plymouth	ESP Tenerife	Sølv
1993	UK Newcastle	NOR Bergen	Gull
1993	NOR Larvik	DEN Esbjerg	Gull
1997	UK Aberdeen	NOR Trondheim	Gull
1997	NOR Stavanger	SWE Göteborg	Bronse
1999	FRA St. Malo	UK Greenock	Bronse
1999	UK Lerwick	DEN Aalborg	Sølv
2001	BEL Antwerpen	NOR Ålesund	5. plass
2004	BEL Antwerpen	DEN Aalborg	5. plass
2004	NOR Stavanger	GER Cuxhaven	4. plass
2007	DEN Aarhus	FIN Kotka	Gull
2009	FIN Åbo	Litauen Klaipėda	Sølv
2010	BEL Antwerpen	DEN Ålborg	Sølv
2011	UK Lerwick	NOR Stavanger	Sølv
2013	DEN Aarhus	FIN Helsingfors	Gull
2013	Latvia Riga	POL Szczecin	Gull

Sjå også

• Onedinlinjen

Bakgrunnsstoff

• Nettstaden til Stiftelsen Seilskipet Statsraad Lehmkuhl
• Bergen byleksikon på nett, om Statsraad Lehmkuhl
• Om bord på Statsraad Lehmkuhl under The Tall Ships Races 2014, Bergen-Esbjerg
• Statsraad Lehmkuhl under seglas i Nordsjøen, 30. juli 2014
• The Tall Ships Races i Austersjøen med Statsraad Lehmkuhl, juli 2013
• Statsraad Lehmkuhl vinner Tall Ships Races 2016, Antverpen-Lisboa