Slåttar frå Voss

Vossaspelet er naturleg nok sterkt prega av Ola Mosafinn. Tradisjonen på Voss er likevel eldre enn han, og har påverka spelet i heile Hordaland alt frå Nils Rekve si tid. Mosafinn er den førande kjelda for spel frå Voss, men det er og samla slåttar frå andre spelemenn.

Rull

6/8:

• 14: Kopthusen, Lausslått etter Sjur Helgeland [1].
• 45: Gamal Rull, etter Brynjulv Hefte, Voss [2].
• 54: Seltakvedne, etter Lars Istad, Voss [3].
• 58: Rull, etter Magnus Dagestad, Voss [4].
• 69: Vossabrure, etter Sjur Helgeland, Voss [5].

2/4:

• 46: Rull, etter Lars Istad, Voss [6].
• 97: Rull, etter Magnus Dagestad, Voss [7].

Springar

For slåttane etter Mosafinn, sjå Slåttenedskrifter etter Ola Mosafinn.

• 77: Springar, etter Knut Rokne [8].
• 126: Springar, etter Brynjulv Hefte [9].
• 131: Kuskjen, etter Sjur Helgeland [10].
• 138: Springar, etter Magnus Dagestad [11].
• 139: Springleik, etter Sjur Helgeland [12].
• 323: Springar etter Sjur Helgeland, etter Sigbjørn Bernhoft Osa, Voss [13]. Nedskrift Eivind Groven 1934 (G 1473).

Slåttegrupper knytt til Voss

Gjelsviken

Hardingfeleverket nr 358. Slåtten har namn etter spelemannen Martnius Gjelsvik frå Lindås. Gjelsvik og Myllarguten skal ha forma ut slåtten saman, slik at han er spela om lag likt i Hordaland og Telemark. Etter andre kjelder er det Myllarguten som er opphavet til slåtten.

• a: etter Ola Mosafinn. Nedskrift Arne Bjørndal (Bjørndal nye slåttar 37).
• b: etter Olav Groven. Nedskrift Eivind Groven 1962 etter minne. Olav Groven har fletta inn tak frå Makalausen og Bøheringen.

Datt du ned du

Hardingfeleverket nr 388. Slåtten er etter Anders Berge, og skriven ned etter Ola Mosafinn. Slåtten kan koma frå Nils Rekve. Slåtten har vandra til Hallingdal med, der han er spela i form etter Ola Øyno. Stevet går: Datt du ned du, slo du deg, du, reis deg oppatt og kom te meg, du (truleg ei barneregle). Slåtten har vore svært populær.

• a Springar, etter Ola Mosafinn. Nedskrift Arne Bjørndal (Bjørndal nye slåttar nr. 42). Mosafinn lærte slåtten av Anders Berge i 1838 då han var berre ti år gamal.
• b: Springar etter O. A. Øyno, etter Sevat Sataøen, Ål. Nedskrift Eivind Groven 1961 etter opptak i NRK (G 1441).

Springar etter Isak Rokne

Hardingfeleverket nr 389. Mosafinn valde denne då han skulle spela inn for voksrull i 1912, og slåtten har vore mykje spela sidan. Ei form er og skriven ned etter Nils Brakvatn.

• a: Springar, etter Nils Brakvatn, Hamre, Nordhordland. Nedskrift Arne Bjørndal 1926 (b 1579). Brakvatn skreiv sjølv opp melodien, og Bjørndal fylte ut med følgjenotar. Eivind Groven reinskreiv slåtten for hardingfeleverket i 1962.
• b: Springar etter Isak Rokne, etter Ola Mosafinn. Nedskrift Truls Ørpen 1946 etter innspeling (Ø 292).

Roknen

Hardingfeleverket nr 391. Etter Isak Rokne. Slåtten har og vore nytta av Nils Rekve. Båe formene er skrivne ned av Arne Bjørndal. Slåtten har vore nytta i Hardanger med.

• a: Springar, etter Lars Rognved, Haus. Nedskriven 1915 (B 12). Rognved hadde slotten etter Magne Kleiveland frå Haus, som hadde han frå Nils Rekve på Voss.
• b: Roknen, etter Ola Mosafinn. Nedskriven 1908 (Bjørndal gamle slåttar hefte 3 nr 7). Mosafinn hadde slåtten etter Isak Rokne.

Sivlefossen

Hardingfeleverket nr 445. Slåtten skal vera laga av Sjur Helgeland. Torkjell Haugerud tok slåtten med seg til Telemark.

• a: Gravferdsslåtten, etter Brynjulv Hefte [14]. Nedskrift Arne Bjørndal 1914.
• b: Sivlefossen, etter Lars Skjervheim [15]. Nedskrift Sven Nyhus 1975. Skjervheim lærte slåtten av Nils Borge på Voss, som hadde han beinveges frå Sjur Helgeland. Sjur skal ha laga denne slåtten på 1880-talet. Gravferdsslåtten er fletta inn i forma etter Sjur. Namnet Sivlefossen kan henge saman med diktaren Per Sivle.
• c: Fossegrimen, etter Torkjell Haugerud, frå Bø i Telemark [16]. Nedskrift Eivind Groven 1961 etter opptak i NRK (G 1370, NRK magn. 599). Anders S. Kjerland meinte at Haugerud lærte Gravferdsslåtten av Ola Mosafinn, og at han seinare har bygd ut slåtten. Då Haugerud spela inn slåtten for NRK, vart den kalla Fossegrimen etter Ola Mosafinn.

Syndebukken

Hardingfeleverket nr 483. Slåtten finst og i Sogn. Kjelda for slåtten på Voss er spelemannen Johannes Fossmark.

• a: Syndebukken, etter Sjur Helgeland [17]. Nedskrift Arne Bjørndal 1922 (B 340). Helgeland hadde lært slåtten av far sin, Lars Helgeland, som nok hadde han frå Johannes Fossmark i Bruvik.
• b: Syndebukken, etter Lars Skjervheim [18]. Nedskrift Sven Nyhus 1974. Skjervheim hadde slåtten frå Sigurd Borge på Voss. Sjur Helgeland, Halldor Meland og Sigurd Borge bygde i si tid ut slåtten med kvar si vending.
• c: Springar, etter Brynjulv Hefte [19] (Bjørndal Nye Slåttar 45).
• d: Store-Vetle-Per, etter Sjur Helgeland [20]. Nedskrift Arne Bjørndal 1922 (B 339). Helgeland lærte slåtten av far sin. Vetle-Per er eit oppnamn på spelemannen Per Underdal frå Aurland i Sogn.
• e: Store-Vetle-Per, etter Leif Rygg [21]. Nedskrift Sven Nyhus 1974. Rygg lærte slåtten av Nils Borge og andre spelemenn på Voss. Nils hadde og spela inn slåtten på grammofonplate.

Større slåttekrinsar tilknytte Voss

• Kari Midtigard på Tinn/Fossmarken.
• Hei so dansa jento mi.