Høgskolen i Oslo og Akershus

Høgskolen i Oslo og Akershus er namnet på den nye høgskolen som vart oppretta 1. august 2011 etter at styra ved Høgskolen i Oslo og Høgskolen i Akershus på Kjeller vedtok den 9. desember 2010 å slå dei to institusjonane saman. Opprettinga av høgskolen vart vedtatt i statsråd 21. januar 2011. Den nye høgskolen er den største i Noreg med 16000 studentar og 1600 tilsette. Høgskolen arbeider for å bli universitet med fokus på profesjonsstudiar.

Lokalisering

HiOA har to studiestader: Studiestad Pilestredet (Frydenlund, Pilestredet park og Holbergs plass) og studiestad Kjeller. I tillegg har høgskolen undervisningsstader i Sandvika og Sandefjord.

Studietilbod

Dei fleste av høgskolens studietilbod er profesjonsutdanningar. Høgskolen har halvårs- og årsstudiar, over 50 bachelorstudiar, 25 masterstudiar og ei rekke etter- og vidareutdanningstilbod. I tillegg har HiOA tre doktorgradsprogram og eit førstelektorprogram.

Organisering

Høgskolen har 4 fakultet med i alt 21 institutt.

• Fakultet for helsefag
  • Institutt for atferdsvitskap
  • Institutt for ergoterapi og ortopediingeniørfag
  • Institutt for farmasi og bioingeniørfag
  • Institutt for fysioterapi
  • Institutt for helse, ernæring og leiing
  • Institutt for radiografi og tannteknikk
  • Institutt for sjukepleie
• Fakultet for lærarutdanning
  • Institutt for førskolelærarutdanning
  • Institutt for grunnskole- og faglærarutdanning
  • Institutt for internasjonale studiar og tolkeutdanning
  • Institutt for yrkesfaglærarutdanning
• Fakultet for samfunnsfag
  • Institutt for arkiv-, bibliotek- og informasjonsfag
  • Institutt for journalistikk og mediefag
  • Institutt for offentleg administrasjon og velferdsfag
  • Institutt for sosialfag
  • Institutt for økonomi og administrasjon
• Fakultet for teknologi, kunst og design
  • Institutt for bygg- og energiteknikk
  • Institutt for estetiske fag
  • Institutt for industriell utvikling
  • Institutt for informasjonsteknologi
  • Institutt for produktdesign

I tillegg har høgskolen et Senter for profesjonsstudier.

Sjå òg

• Høgskolen i Akershus si gamle heimeside
• Høgskolen i Oslo si gamle heimeside
• Høgskolen i Oslo og Akershus si heimeside