Liv Ullmann

Liv Ullmann i Cannes i 2000

Liv Johanne Ullmann, (fødd 16. desember 1938), er ein norsk skodespelar, forfattar og filmregissør.

Karriere

Ullmann debuterte som skodespelar på Rogaland Teater i 1957, som Anne Frank. Ho slo gjennom i 1966 med filmen Persona, som var regissert av Ingmar Bergman. Tilhøvet til Bergman utvikla seg både profesjonelt og personleg. Ho hadde leiande roller i ni av filmane hans, og dei fekk ei dotter saman, forfattaren Linn Ullmann. I 1992 debuterte ho som regissør med filmen Sofie.

Livsskildring

Far til Liv Ullmann var flyteknikar, og familien flytte mykje rundt i verda. Ho vart fødd i Tokyo og budde sidan i Canada, New York, Oslo og Trondheim. Ho bur nå i New York.

Ho var gift med Hans Jakob Stang frå 1960 til 1965, og vart gift med Donald Saunders i 1985.

Utmerkingar

• I 1973 vart ho tildelt Peer Gynt-prisen.
• I 1992 vann Ullmann Amandaprisen sin heiderspris.
• I 1996 vann ho Anders Jahres kulturpris.
• I 1997 vart ho tildelt Norsk kulturråds ærespris.
• I 2000 vann ho Aamot-statuetten.
• I 2005 vart ho utnemnt til kommandør med stjerne av St. Olavs Orden.

Verkliste

Som manusforfattar

• Kristin Lavransdatter (basert på romanen av Sigrid Undset)
• Et dukkehjem (basert på stykket av Henrik Ibsen)

Som regissør

• 1992 - Sofie
• 1995 - Kristin Lavransdatter
• 1995 - Lumière et compagnie
• 1998 - Enskilda samtal
• 2000 - Trolösa

Som skodespelar

• 1957 - Fjols til fjells
• 1959 - Ung Flukt
• 1962 - Tonny
• 1966 - Persona
• 1968 - Skammen
• 1969 - An-Magritt
• 1971 - Utvandrerne

- Et dukkehjem (Radioteater)

• 1972 - Nybyggerne
• 1973 - Scener fra et ekteskap
• 1977 - A Bridge Too Far
• 1978 - Høstsonaten
• 1994 - Drømspel
• 1994 - Zorn
• 2003 - Sarabande

Bakgrunnsstoff

• Liv Ullmann på The Internet Movie Database