Sekretærfugl

Frå Wikipedia – det frie oppslagsverket
Gå til: navigering, søk
Sekretærfugl

Status i verda: LC Livskraftig

Sekretærfugl
Sekretærfugl

Systematikk
Klasse: Aves
Orden: Accipitriformes
Familie: Sagittariidae
Slekt: Sagittarius
Art: S. serpentarius
Vitskapleg namn
Sagittarius serpentarius
Sekretærfugl
Namn på andre språk
Svensk Sekreterarfågel
Dansk Sekretærfugl
Engelsk Secretarybird
Tysk Sekretär
Fransk Messager sagittaire, secrétaire
Spansk Secretario
Russisk Ptitsa-sekretar (Птица-секретарь)

Sekretærfugl (Sagittarius serpentarius) er ein stor rovfugl, endemisk til Afrika, som lever på opent grasland og på tørre savanner. Han er spesialisert på jakt av krypdyr. Sjølv om arten er ein del av den biologiske orden Accipitriformes, saman med andre rovfuglar som glentar, våkar og haukar, er sekretærfuglen så særeigen at han har fått sin eigen familie, Sagittariidae.

Han har ein spesiell status i delar av Afrika, i Sudan og i Sør-Afrika er han med på motivet i riksvåpenet.

Skildring[endre | endre wikiteksten]

Ein kan identifisere arten sekretærfugl ut frå den ørneliknande kroppen saman med dei lange beina som liknar på dei hos traner. Beina gjev han ei høgd på ca. 1,3 meter. Kroppslengde er ca. 1,4 m og vekta i gjennomsnitt ca. 3,3 kilogram. Vengespennet kan vere over 2 m. Hovudet er liknar på ørnehovud med kroket nebb. På litt avstand og i flukt liknar sekretærfugl meir på traner enn på rovfugl. I flukt har halen to forlenga sentrale fjør samt lange flate fjør som strekkjer seg ut på sidene av beina. Flygefjøra og beina er svarte, dekkfjøra er lys grå, medan bryst og hals er nesten kvit. Arten viser ikkje kjønnsdimorfisme i farger, men hannen har lengre halefjør og lengre fjør på hovudet. Vaksne individ har raud fjørlaus hud i ansiktet i motsetnad til ungfuglar som har gul hud.

Etymologi[endre | endre wikiteksten]

Ein vanleg spekulasjon på opphavet til namnet sekretærfugl er referanse til utsjånaden av fjørtoppen bak på hovudet til denne fuglen skal minne om sekretærar som tidlegare hadde for vane å feste fjørpennar bak øyro. Ein nyare hypotese går på at namnet har opphav frå det arabiske 'saqr-et-tair' (jegerfugl). Det franske 'secrétaire', som liknar mykje i uttale, kan soleis vere ein ordet i artsnamnet på mange europeiske språk. Artsnamnet "serpentarius" kan minne ein om evnene som denne arten har som reptiljeger.

Kjelder[endre | endre wikiteksten]



Bakgrunnsstoff[endre | endre wikiteksten]