Trondheim kommune

Trondheim kommune
Komm.nr.	1601
Fylke	Sør-Trøndelag
Adm.senter	Trondheim
Areal	342 km²
Folkemengd	176 309 (1. jan 2012)
Politikk
Ordførar (2003-)	Rita Ottervik (Ap)
Målform	Nøytral
Nettstad	www.trondheim.kommune.no
Folketalsutvikling 1951-2010
Trondheim kommune på Commons

Trondheim kommune er ein kommune i Sør-Trøndelag fylke. Administrasjonssenteret i kommunen er byen Trondheim.

Trondheim kommune omfattar halvøya Byneset i vest, og strekker seg ned til utløpet av elva Gaula i Trondheimsfjorden i sør, og til Jonsvatnet og Ranheim i aust. Kommunen grensar i aust mot Malvik kommune, og i sør mot kommunane Selbu, Klæbu og Melhus. Dei noverande kommunegrensene vart vedtekne i 1. januar 1964, da dei fire nabokommunane Strinda, Tiller, Leinstrand og Byneset vart slått saman med Trondheim. Ved samanslåinga vart arealet til kommunen utvida frå 41 km² til 342 km², og innbyggjartalet vart nesten dobla.

Kommunen er med 000000000176309.0000000000176 309 innbyggjarar den tredje største kommunen i Noreg.

Kommunevåpen

Kommunevåpenet til Trondheim vart vedteke i 1897 og har utgangspunkt i det gamle byseglet til Trondheim frå 1200-talet. Våpenet har to figurar; den til venstre er ein bispefigur med bispehue og krumstav, ståande i ei kyrkje, og figuren til høgre er ein konge med krone og skålvekt i handa, som står i ei borg. Vekta figuren held skal symbolisere rettferd. Nedst på våpenet er det plassert tre hovud som skal symbolisere byrådet.

Kjelder

• Store norske leksikon, snl.no, «Trondheim»

Bakgrunnsstoff

• Trondheim kommune - Offisielle heimesider

Commons har multimedia som gjeld: Trondheim kommune