Kjerstin Andersen

Frå Wikipedia – det frie oppslagsverket
Hopp til navigering Hopp til søk
Kjerstin Andersen
Fødd 25. november 1958
Porsgrunn
Yrke handballspelar

Kjerstin Andersen (fødd 25. november 1958) er ein norsk tidlegare handballspelar frå Porsgrunn. Målvakta vann OL-sølv i 1988 og VM-bronse i 1986.

I yngre år spelte Andersen på Skiens Ballklubb. Etter ei tid melde ho overgang til Gjerpen IF, eit lag ho vart noregsmeister med i både 1985 og 1986.

Andersen debuterte på landslaget vinteren 1984. Då fyrstemålvakt Linn Siri Jensen vart skadd i opningskampen under Handball-VM 1986 stod Andersen fram med godt målvaktsspel og var ein viktig aktør då Noreg overraskande tok bronsemedaljen i meisterskapen i Nederland. To år seinare var ho sterkt delaktig då dei norske handballkvinnene vann sølv i Sommar-OL 1988 i Seoul. Andersen deltok også i VM 1990 då laget enda på sjetteplassen. Landslagstida hennar tok samstundes slutt etter 104 kampar.

Merittar[endre | endre wikiteksten]

  • VM 1986: Bronsemedalje med Noreg
  • OL 1988: Sølvmedalje med Noreg
  • Noregsmeister: 1985 og 1986 med Gjerpen IF

Kjelder[endre | endre wikiteksten]