Heidi Sundal

Frå Wikipedia – det frie oppslagsverket
Hopp til navigering Hopp til søk
Heidi Sundal
Fødd 30. oktober 1962 (58 år)
Oslo
Yrke handballspelar

Heidi Sundal (fødd 30. oktober 1962) er ein norsk tidlegare handballspelar frå Oslo, som vann to OL-sølv og to VM-bronsar i tida 1986-93. Linjespelaren spelte i alle år på Nordstrand IF og vart noregsmeister med klubben i 1987.

Sundal debuterte på Noregs landslag i ein kamp mot Jugoslavia den 8. november 1980. I desember 1986 var ho ein av dei sentrale spelarane då Noreg overraska og vann bronsemedaljen under handball-VM i Nederland. Både under Sommar-OL 1988 i Seoul og Sommar-OL 1992 i Barcelona spelte ho ei viktig rolle då Noreg vann sølvmedaljar i begge handballturneringane. Då Noreg på heimebane vann bronsemedaljen i handball-VM 1993 etter 20-19 mot Romania i bronsefinalen, vart ho kåra til den beste linjespelaren i meisterskapen.

Sundal spelte 269 landskampar og skåra 731 mål for Noreg.

Kjelder[endre | endre wikiteksten]