Semjonovskij

Frå Wikipedia – det frie oppslagsverket

Semjonovskijøya (russisk о. Семёновский') var ei øy i sørvest i Nysibirøyane aust i Laptevhavet. Før ho forsvann var ho 4 km² og ei av dei minste øyane i øygruppa. I 1945, like før ho forsvann, steig klippene 24 meter over havet.[1][2]

I tida etter ho vart oppdaga forsvann Semjonovskij gradvis før ho forsvann heilt mellom 1952 og tidleg i 1960-åra. Ho hadde eit areal på 4,6 km² i 1823, 0,9 km² i 1912, 0,5 km² i 1936 og 0,2 km² in 1945. I 1950 var det berre eit lite skjer att og i 1952 var ho erodert ned til ein liten sandbanke som låg like under havoverflata. Då ein vitja Semjonovskijøya tidleg i 1960-åra hadde ho forsvunne heilt og i området der ho låg var havbotn i snitt 10 meter djupt, men det minste djupet var på 20 cm.[1][2]

I. Ljakhov, ein kjøpmann frå Jakutsk oppdaga øya i 1770. Han fann ho ved å følgje ein enorm reinsdyrsflokk over havisen. Tsarina Katarina II av Russland belønna han for å ha oppdaga denne og ei anna øy i Nysibirøyane og han fekk eineretten til å samle elfenbein på dei.[3]

Kjelder[endre | endre wikiteksten]

  1. 1,0 1,1 Grigorov, I.P., 1946, Disappearing islands. Priroda, s. 58–65 (russisk)
  2. 2,0 2,1 Gavrilov, A.V., N.N. Romanovskij, V.E. Romanovskij, H.-W. Hubberten, og V. E. Tumskoj, 2003, Reconstruction of Ice Complex Remnants on the Eastern Siberian Arctic Shelf. Permafrost and Periglacial Processes. vol. 14, s. 187–198.
  3. Nordenskiold, A. E., 1885, The Voyage of the Vega Round Asia and Europe: With a Historical Review of Previous Journeys Along the North Coast of the Old World. Macmillan and co. London, s. 756 .