Undo

«Undo»
Eurovision Song Contest 2014
Land	Sverige
Artist(ar)	Sanna Viktoria Nielsen
Alias	Sanna Nielsen
Språk	Engelsk
Komponist(ar)	Fredrik Kempe, David Kreuger og Hamed «K-One» Pirouzpanah
Låtskrivar(ar)	Fredrik Kempe, David Kreuger og Hamed «K-One» Pirouzpanah
Resultat
Semifinalepoeng	131
Semifinaleplass	2
Finalepoeng	218
Finaleplass	3
Sverige i Eurovision Song Contest
«You» (2013) «Undo»

«Undo» (engelsk for Gjere om) er ein singel av Sanna Nielsen, som vart gjeven ut i 2014. Songen er skriven av Fredrik Kempe, David Kreuger og Hamed «K-One» Pirouzpanah.

Eurovision

Melodifestivalen 2014

«Undo» deltok i den andre semifinalen i Melodifestivalen 2014, den svenske uttakinga til Eurovision Song Contest 2014 i København i Danmark. Bidraget vann tevlinga med 212 poeng, to poeng meir enn andreplassen, og fekk representere Sverige.

Eurovision Song Contest 2014

Sverige deltok i den fyrste semifinalen i Eurovision Song Contest 2014 i København i Danmark og enda på andreplass med 131 poeng; tolv frå Spania, ti frå Island, Ukraina, Moldova, Ungarn og Danmark, åtte frå Latvia, Belgia, Portugal og Nederland, sju frå Estland, seks frå Albania, Russland og Frankrike, fem frå Montenegro, fire frå Armenia og tre frå San Marino. Hadde ein berre nytta telefonrøystar hadde bidraget enda på tredjeplass med 93 poeng, og hadde ein berre nytta juryrøystar hadde bidraget enda på andreplass med 125 poeng. Landet kvalifiserte seg til finalen der bidraget enda på tredjeplass med 218 poeng; tolv frå Danmark, Romania og Ukraina, ti frå San Marino, Israel, Estland, Finland, Spania og Belgia, åtte frå Nederland, Latvia, Portugal, Noreg, Ungarn og Slovenia, sju frå Albania, Malta, Storbritannia, Island og Litauen, seks frå Moldova, Austerrike og Sveits, fire frå Polen, Frankrike og Irland, tre frå Montenegro og to frå Hellas, Russland og Georgia. Hadde ein berre nytta telefonrøystar hadde bidraget enda på fjerdeplass med 190 poeng, og hadde ein berre nytta juryrøystar hadde bidraget enda på andreplass med 201 poeng. Poenga frå telefonrøystinga inkluderer poenga frå den albanske og sanmarinske juryen, medan poenga frå juryrøystinga inkluderer poenga frå dei georgiske telefonrøystene. Saman med det nederlandske bidraget, «Calm After the Storm», vart «Undo» den fyrste ikkje-vinnande songen sidan 1996 som gjekk inn på den australske hitlista ARIA Charts.

Melodifestivalen 2015

Ein ny versjon av «Undo» vart framført av programleiarane, Sanna Nielsen og Robin Paulsson, som opningsnummer i den fyrste semifinalen i Melodifestivalen 2015, den svenske uttakinga til Eurovision Song Contest 2015 i Wien i Austerrike. Det vart laga ein ny svenskspråkleg tekst til den same melodien, og songen fekk tittelen «Anställd».

Kjelder

• Djeiran Amini (28. november 2013). «Alla artister i Melodifestivalen 2014 presenterade – de tävlar i Göteborg och Örnsköldsvik» (på svensk). Sveriges Television. Henta 6. desember 2013.