Universal Soldier

Frå Wikipedia – det frie oppslagsverket
Universal Soldier
Song av Buffy Sainte-Marie
frå albumet It's My Way!
Utgjeve 1964
Sjanger Folkrock
Lengd 2:17
Selskap Vanguard
Tekstforfattar Buffy Sainte-Marie
Låtskrivar(ar) Buffy Sainte-Marie
Produsent Maynard Solomon
Universal Soldier
Singel av Donovan
frå albumet The Universal Soldier
Språk engelsk
Utgjeve 15. august, 1965
Sjanger Folk
Lengd 2:16
Selskap Pye NEP 24219
Tekstforfattar Buffy Sainte-Marie
Låtskrivar(ar) Buffy Sainte-Marie
Produsent Terry Kennedy, Peter Eden, Geoff Stephens
Donovan (USA)-kronologi 
«Colours»
(1965)
Universal Soldier «You're Gonna Need Somebody on Your Bond»
(1965)


«Universal Soldier» er ein song skriven og innspelt av den kanadiske visesongaren Buffy Sainte-Marie. Songen vart opphavleg gjeven ut på debutalbumet hennar, It's My Way! i 1964. «Universal Soldier» var ikkje så populær då han først kom ut, men fekk merksemd i visemiljøet. Sainte-Marie sa om songen: «Eg skreiv 'Universal Soldier' i kjellaren i kafeen The Purple Onion i Toronto tidleg i 60-åra. Han omhandlar alle sitt ansvar for krig og korleis den gamle føydale tanken tar livet av oss alle.»

Donovan-versjonen[endre | endre wikiteksten]

I 1965 hadde visesongaren Donovan lært seg songen og nytta eit liknande arrangement som originalinnspelinga til Buffy Sainte-Marie. Innspelinga hans vart gjeven ut på ein EP kalla The Universal Soldier i Storbritannia (15. august 1965, Pye NEP 24219). EPen nådde 5. plass på listene og inneheld i tillegg songane «The Ballad of a Crystal Man», «Do You Hear Me Now» (Bert Jansch) og «The War Drags On» (Mick Softley).

Mangelen på interesse for EP-formatet i USA gjorde at Hickory Records gav songen ut som singel i september 1965 (Hickory 45-1338). Singelen hadde Bert Jansch sin «Do You Hear Me Now?» som B-side. Singelen vart ein liten hit og nådde 53. plass på singellista. Dette gjorde at Hickory Records tok med songen på den amerikanske utgåva av det andre albumet til Donovan, Fairytale i staden for Bert Jansch-songen «Oh Deed I Do».

Andre versjonar[endre | endre wikiteksten]

Andre artistar som har spelt songen er The Highwaymen, Glen Campbell, Joan Baez, Phil Ochs, First Aid Kit og Chumbawamba.

Kjelder[endre | endre wikiteksten]

Bakgrunnsstoff[endre | endre wikiteksten]