Skeiand

Skeiand
Namn på andre språk
Nordsamisk	Spoađđoduoršu
Svensk	Skedand
Dansk	Skeand
Engelsk	Northern Shoveler
Tysk	Löffelente
Fransk	Canard souchet
Spansk	Cuchara común, pato cucharo
Russisk	Sjirokonoska (Широконоска)

Skeiand (Anas clypeata) er ein fugl i andefamilien. Ho er om lag 50 cm lang. Hofuglen er brunspraglete, medan hannen har krittkvitt bryst, mørkegrønt hovud og raudbrun buk. Begge fuglane verkar framtunge i vatnet og nebbet peikar ofte nedover.

Utbreiing

I Sør-Noreg er det få eksemplar av desse fuglane, og dei opptrer sporadisk i Nord-Noreg. Talet på observasjonar aukar. Skeiendene hekkar få om gongen ved grunne innsjøar med rik vegetasjon rundt Oslofjorden og frå Møre til Helgeland. Skeiendene er trekkfuglar som kjem i april og reiser att i september-oktober. Dei overvintrar i Vest-Europa og Nord-Afrika.

Arten er lista på norsk raudliste 2006, i kategorien sårbar (same kategori som oter, snøugla og gaupa).

Reiret

Reiret vert gøymt i vegetasjonen nær vatn og er bygt av gras og dun. Skeianda legg 8-10 gulkvite egg i april-juni. Hoa rugar i 23-25 dagar og ungane er flygedyktige etter 40-45 dagar. Skeianda et små krepsdyr og blautdyr.