Krekling

Krekling
Krekling
Systematikk
Rike:	Planteriket Plantae
Overrekkje:	Landplantar Embryophytes
Rekkje:	Karplantar Tracheophytes
Underrekkje:	Frøplantar Spermatophytes
Orden:	Lyngordenen Ericales
Familie:	Lyngfamilien Ericaceae
Slekt:	Empetrum
Art:	Krekling E. nigrum
Vitskapleg namn
Empetrum nigrum L., 1753

Krekling, krekebær eller kråkebær (Empetrum nigrum) er ein liten, eviggrøn plante i kreklingslekta i lyngfamilien. Han er kjend for bæra sine med same namn, som er blåsvarte og kan etast. Planten trivst i myrområde, høgfjell og i gran- og furuskog.

Kreklinggreiner med bær.

Krekling spreier seg utover i teppe, der buskane blir 10-25 cm høge og har mørkegrøn grunnfarge. Greinene og stenglane ligg nede på bakken eller bøyer seg litt oppover i endane. Blada er små, litt glatte/sukkulente, og sit i klasar langs mykje av stengelen. Dei nyaste skota er litt raudlege.

Blomane er små og raude, med tre gulgrøne begerblad og tre heilt raude kronblad. Ho- og hannplantane er separate.

I Noreg er arten svært utbreidd heilt opp til 1.800 m.o.h. I Nord-Noreg er bæra til krekling kjend som krøyk, krøkebær eller krykkjebær. Bæra har lite smak, men eigner seg godt til å laga saft eller gelé. Dei inneheld mykje vatn og kan vera god for tyrsten når ein er på tur.

Kjelder

• Denne artikkelen bygger på «Krekling» frå Wikipedia på bokmål, den 28. november 2008.

Bakgrunnsstoff

• (no) krekling hos Artsdatabanken
• (en) krekling i Catalogue of Life
• (en) krekling i Encyclopedia of Life
• (en) krekling i Global Biodiversity Information Facility
• (sv) krekling hos Dyntaxa
• (en) krekling hos ITIS
• (en) krekling hos NCBI
• (en) krekling hos Panarctic Flora
• (en) krekling hos Plants of the World Online
• (en) krekling hos The International Plant Names Index
• (en) krekling hos Tropicos